ދިއްގަރު ދާއިރާގެ މަޖިލިސް މެންނަރު މުހައްމަދު ފާރިސް މައުމޫން އަނެއްކާވެސް ހައްޔަރުކޮގެން ފުލުހުން ގެންގޮސްފިއެވެ.
ފާއީސް ހައްޔަރުކޮށްފައިވަނީ އޭނާގެ އަނބިކަނބަލުންގެ ގޭގައި އުޅުއްވަނިކޮށްނެވެ. ކުއްލި ނުރައްކަލުގެ ހާލަތު ސަރުކާރުން އިއުލާން ކުރައްވާފައިވިޔަސް ފާރިސް މިއަދު ހައްޔަރުކުރީ ކޯޓު އަމުރެއްގެ ދަށުން ކަމަށް ފާރިސްގެ ގާނޫނީ ވަކީލް ވިދާޅުވިއެވެ. އޭނާ ވިދާޅުވީ ފާރިސް ހައްޔަރުކޮށްގެން ގެންދިޔައީ ފުލުސް އޮފީހަށް ކަމަށް ބެލެވޭ ކަމަށެވެ. މީގެ ކުރިން ދެތިން ފަހަރެއްގެ މަތިން ފުލުހުންވަނީ އޭނާ ހައްޔަރުކޮށްފައެވެ.
މިއަދުވެސް އަދި ކުރިންވެސް ފާރިސް ހައްޔަރުކުރީ ގާނޫނީގޮތުން އުފެދިފައިވާ ސަރުކާރު ޣައިރު ގާނޫނާ ޚިލާފަށް ވައްޓާލުމަށް މަސައްކަތް ކުރެއްވުމާއި މެންބަރުންނަށް ރިޝްވަތު ބެހުމުގެ ތުހުމަތުގައެވެ.
ފާރިސްގެ އިތުރަށް އެމަނިކުފާނުގެ ބައްޕާފުޅު ރައީސް މައުމޫނާއި، ޅިޔަންބެ މުހައްމަދު ނަދީމްވެސް ވަނީ ފުލުހުންގެ ބެލުމުގެ ދަށަށް ގެންގޮސްފައެވެ. ރައީސް މައުމޫން ހައްޔަރު ކުރުމުން އެމަނިކުފާނޫ ދޫކޮށްލުވުމަށް އެކިފަރާތްތަކުން ގެންދަވަނީ ގޮވައިލައްވަމުންނެވެ.
