މާލޭގެ ދެކުނު ފަރާތު ފަޅުތެރެއިން މަރުވެފައިވާ 15 ވައްލަ ފެނިއްޖެ އެވެ.
އެންވަޔަރަމަންޓަލް ޕްރޮޓެކްޝަން އެޖެންސީ (އީޕީއޭ) އިން ކުރި ޓުވީޓެއްގައި ވަނީ އެ ވައްލަތައް ފެނިފައިވަނީ މާފަންނު ސްޓޭޑިއަމްއާ ދިމާލުން ފަޅުތެރެއިން ކަމަށެވެ. އަދި އެ ވައްލަތައް ވަނީ މަރުވެފައި ކަމަށެވެ.
އެ ދޫނިތައް ނުވަތަ ވައްލަ މޫދުގައި އޮޔާދަނިކޮށް ފެނިފައިވާ ކަމަށެވެ.
"ބެލެވޭ ގޮތުގައި މި ދޫނިތަކަކީ ގެންގުޅުނު ގޮތަކުން މަރުވުމުން މޫދަށް އެއްލާލާފައިވާ ދޫނިތަކެއް، އީޕީއޭއިން ބުންޏެވެ.
އެ އެޖެންސީން ވަނީ މިކަމާ ބެހޭ އެއްވެސް މައުލޫމާތެއް އެނގޭނަމަ އެ އިދާރާއާ އެ ކަމެއް ހިއްސާކުރަން އެދިފައެވެ.
About 15 tern carcasses have been found floating on the Southern harbor entrance near Maafanu stadium. These birds were suspected to have died from being handled & were likely dumped into the sea. We urge the public to please come forward if further information is available. pic.twitter.com/Aem9Gsi9Ez
— EPA Maldives (@EPAMaldives) November 27, 2022
ވައްލަ ހިމެނެނީ ރާއްޖޭގައި ހިމާޔަތްކޮށްފައިވާ ދޫނިތަކުގެ ތެރޭގައެވެ. ރާއްޖެ ހިޖުރަކުރާ ދޫނިތަކަކީ ރާއްޖޭގެ ތިމާވެށި ރައްކާތެރިކޮށް ދެމެހެއްޓުމާބެހޭ ގާނޫނުގެ ދަށުން ހަދާފައިވާ ގުދުރަތީ ގޮތުގައި ނުވަތަ ތަބީއީ ގޮތުގައި ހިމާޔަތްކޮށް ރައްކާތެރިކުރާ ދިރޭ ތަކެއްޗާބެހޭ ގަވާއިދުގެ ދަށުން ހިމާޔަތްކުރެވިފައިވާ ދޫނިތަކެކެވެ.
