ނުކުޅެދުންތެރިކަން ހުންނަ ފަރާތްތަކަށް މިހާރުދެމުން އަންނަ އެލަވަންސް ބޮޑުކުރައްވާނެކަމަށް ރައީސުލްޖުމްހޫރިއްޔާ އިބްރާހިމް މުހައްމަދު ސާލިހު ވިދާޅުވެއްޖެއެވެ.
ތިން ވަނަ ވިއަވަތި ރާއްޖެ ކޮންފަރެންސް ނިންމުމުގެ ރަސްމިއްޔާތުގައި ވާހަކަފުޅު ދައްކަވަމުން އެމަނިކުފާނު ވިދާޅުވީ އެ ފަރާތްތަކަށް ދޭ އެލަވަންސް ބޮޑުކުރުމުގެ ވާހަކަ އެފަދަ ފަރާތްތަކުން އެ މަނިކުފާނަށް އަބަދުވެސް ހުށަހަޅާ ކަމަށެވެ.
އެމަނިކުފާނު ވިދާޅުވީ ނުކުޅެދުންތެރިކަން ހުންނަ ފަރާތްތަކުގެ ދަފްތަރެއް އެކުލަވާލުމުގެ މަސައްކަތް މިހާރުކުރަމުން އަންނަކަމަށާއި އެ މަސައްކަތް ނިމުމުން އެލަވަންސް ބޮޑުކުރައްވާނެ ކަމަށެވެ.
ނުކުޅެދުންތެރިކަން ހުންނަ މީހުންނަށް ސަރުކާރުން މިހާރު ދެނީ 2،000 ރުފިޔާގެ އެލަވަންސެކެވެ. އެ އެލަވަންސް 5،000 ރުފިޔާއަށް ބޮޑުކުރުމަށް ރައީސް ސޯލިހަށް ޕެޓިޝަނެއް ހުށަހެޅުމަށް ނުކުޅެދުންތެރިކަން ހުންނަ ޒުވާނުންތަކެއް މީގެ ކުރިން މަސައްކަތްކުރިއެވެ.
ނުކުޅެދުންތެރިކަން ހުންނަ މީހުންނަށް ސަރުކާރުން ދޭ އެލަވަންސް މުރާޖައާ ކުރުމުގެ މަޝްވަރާތައް ނޭޝަނަލް ސޯޝަލް ޕްރޮޓެކްޝަން އެޖެންސީ (އެންސްޕާ) އިން މީގެ ކުރިން ކޮށްފައިވެއެވެ.
