އަނިޔާވެރި ގޮތަކަށް މަރާލާފައިވާ ޝިއާއު މުހައްމަދު ސައީދު ގެ ޕޯސްޓްމޯޓަމްގެ ވަގުތީ ރިޕޯޓް ލިބިފައިވާ ކަމަށް ފުލުހުން ބުނެފިއެވެ.
ފުލުހުން ބުނީ ޝިއާގެ ޕޯސްޓްމޯޓަމްގެ ވަގުތީ ރިޕޯޓް ލިބުނީ މިދިޔަ އޮގަސްޓް މަހުގެ 17 ވަނަ ދުވަހު ކަމަށެވެ.
އެ މައްސަލައިގެ ފޮރެންސިކް ތަހްގީގުތައް ކުރަމުންދާ ކަމަށާއި މުޅި މައްސަލައިގެ ތަހުގީގު ނިންމައި ޝަރީއަތަށް ހުށަހެޅުމުގެ މަސައްކަތް ވެސް ކުރިއަށް ދާ ކަމަށެވެ.
މިދިޔަ އޮގަސްޓް މަހުގެ 7 ވަނަ ދުވަހުގެ ރޭ ދަންވަރުގެ ވަގުތެއްގައި އަނިޔާވެރިގޮތަކަށް މަރާލާފައިވާ އުމުރުން 22 އަހަރުގެ ޝިއާއު މަރާލި މައްސަލަ ޝަރީއަތަށް ހުށަހަޅަން ތައްޔާރުވަމުން އަންނަ ކަމަށް ވެސް ފުލުހުން ބުންޏެވެ.
މި މައްސަލައާ ގުޅިގެން އުމުރުން 22 އަހަރުގެ އަލީ ޝާހިލް ހައްޔަރުކޮށް ޝަރީއަތް ނިމެންދެން ވަނީ ބަންދުކުރަން ވަނީ އަމުރު ކޮށްފައެވެ.
ފުލުހުން ބުނެފައިވަނީ އޭނާ ހައްޔަރު ކުރި އިރު ހުރީ މަސްތުގެ ހާލުގައި ކަމަށާއި އެހެންނަމަވެސް މަސްތުވާތަކެއްޗަށް ހެދި ޓެސްޓުން އޭނާ ޕޮޒިޓިވްވެފައި ވަނީ ކޮން އެއްޗަކަށް ކަން ފުލުހުން ހާމައެއް ނުކުރެއެވެ.
ދެންއެރިޕޯޓުގާ ބުނަނީކީކޭތަ