އިލެކްޓްރިކަލް ވެހިކަލް ހޯދުމާއި ގުޅޭގޮތުން މާލެ އާއި އައްޑުސިޓީގައި ޚިޔާލު ހޯދުމަށް ހުޅުވާލައިފިއެވެ.
އެންވަޔަރްމެންޓް މިނިސްޓްރީން ބުނީ މިއީ މާލެ ސިޓީއާއި އައްޑޫ ސިޓީގެ "އިލެކްޓްރިކް މޮބިލިޓީ ޕޮޓެންޝިއަލް"ގެ ދިރާސާއަށް މައުލޫމާތު އެއްކުރުމަށް ކުރާ ސާރވޭއެއް ކަމަށެވެ. އަދި މި ސާރވޭގައި ބައިވެރިވުމަށް އާންމުންނަށް ހުޅުވާލާފައިވާ ކަމަށެވެ.
އައްޑޫ ސިޓީއާއި މާލެ ސިޓީގައި ކުރިއަށްދާ މި ސަރވޭގައި ބައިވެރިވުމަށް ގޫގްލް ފޯމެއް ފުރަންޖެހޭއިރު، މިފޯމް މިނިސްޓްރީގެ އެކި ޕްލެޓްފޯމްތަކުގައި ވަނީ ޝާއިއުކޮށްފައެވެ.
އިލެކްޓްރިކް މޮބިލިޓީ ޕޮޓެންޝިއަލް" އަކީ އަރންސްޓް އެންޑް ޔަންގް އެލް.އެލް.ޕީ އިން ދިވެހި ސަރުކާރާއި ވަރލްޑް ބޭންކާއި ގުޅިގެން ކުރިއަށް ގެންދިޔުމަށް ހަމަޖެހިފައިވާ ޕްރޮގްރާމެކެވެ.
މިޕްރޮގްރާމަށް އެހީތެރިކަން ފޯރުކޮށްދިނުމަށް ދާއިރާއާއި ގުޅޭ ތަޖުރިބާ ހުރި މީހުން ހޯދުމަށް މީގެ ކުރިން ވަނީ އިއުލާންކޮށްފައެވެ.
އާންމުންގެ ޚިޔާލު ހޯދުމަށް ބާއްވާ ސާރވޭ ކުރިއަށްގެންދާނެ ތާރީޚެއް އަދި ބައިވެރިވުމަށް ފޯމް ހުށަހެޅުމަށް ސުންގަޑިއެއްވެސް ހާމަކޮށްފައެއް ނުވެއެވެ.
