ވެލާނާ އިންޓަރނޭޝަނަލް އެއަރޕޯޓު (ވީއައިއޭ) ޑިޓެންޝަން ސެންޓަރުން ފިލި ބަންގްލަދޭޝް މީހާ ހޯދަން އިއުލާން ކޮށްފިއެވެ.
މޯލްޑިވްސް އިމިގްރޭޝަނުން ކުރި އިއުލާނެއްގައި ބުނީ ބަންގްލަދޭޝްގެ ރައްޔިތެއް ކަމަށްވާ އުމުރުން 26 އަހަރުގެ މުހައްމަދު މިތުން އާ ބެހޭ އެއްވެސް މައުލޫމާތެއް އެނގޭނަމަ އެކަން ހިއްސާކުރުމަށް އެދޭ ކަމަށެވެ.
އޭނާ ފިލީ ޑިޓެންޝަން ސެންޓަރުގެ ފާޚާނާގެ ސީލިންގ ފަޅާލައިގެން ރޭގެ ފަތިހުގެ ވަގުތެއްގައެވެ.
އޭނާއަކީ ރާއްޖޭގައި ވާކް ވިސާއާ ޚިލާފަށް އުޅުމުގެ ސަބަބުން ވަކި މުއްދަތަކަށް ރާއްޖެ ނާދެވޭގޮތަށް ފޮނުވާލާފައިވާ މީހެކެވެ.
އެހެންނަމަވެސް އޭނާ ވަނީ އެ މުއްދަތުގެ ކުރިން ރާއްޖެ އައިސްފައެވެ. އެހެންވެ ޑިޓެންޝަން ސެންޓަރިގައި އޭނާ ބަހައްޓާފައިވަނީ އަނބުރާ ގައުމަށް ފޮނުވާލުމަށެވެ.
އެއަރޕޯޓް ޑިޓެންޝަން ސެންޓަރަކީ ރާއްޖެ އެތެރެވާން އަންނަ މީހުންގެ ތެރެއިން އެކި މައްސަލަތައް ކުރިމަތިވާ މީހުން ބައިތިއްބާ ތަނެކެވެ.
އޭނާ ސީލިންގު ފަޅާލާފަ އެރީ މައްޗަށްތޯއެވެ. ފޭބީ ތިރިއަށް ނަމަ ސީޓުވެސް ފަޅާލީތޯއެވެ. ޙަގީގަތް ހާމަކޮށްދީފާނަންތޯއެވެ.