ފުލުހުން ތަހުގީގު ކުރަމުންދާ މައްސަލައަކާއި ގުޅިގެން ތިން މީހެއް ރާއްޖެއިން ފުރުން މަނާކޮށް ކޯޓު އަމުރެއް ނެރެފިއެވެ.
ފުލުހުން ބުނެފައިވަނީ އެ އިދާރާއިން ތަހުގީގު ކުރަމުންދާ މައްސަލައަކާއި ގުޅިގެން ނާޒިމް އަބްދުލް ސައްތާރާއި މުހައްމަދު ނަޝީދު (ކާނަލް) އަދި ބަންގްލަދޭޝްގެ ރައްޔިތެއް ކަމަށްވާ އަލަމްގިރި ރާއްޖެއިން ފުރުން މަނާކުރުމުގެ އަމުރެއް ކޯޓުން ނެރެފައިވާކަމަށެވެ.
މި ތިން މީހުންނާއި ގުޅޭގޮތުން ފުލުހުން ތަހުގީގު ކުރަމުން އަންނަނީ ލިވާތު ކުޅިއާއި ގުޅުންހުރި މައްސަލަތަކެކެވެ.
