ރައީސް އޮފީހުގެ ކުރީގެ ތަރުޖަމާން އިބްރާހިމް މުއާޒު ޢަލީ މޯލްޑިވްސް ތާރޑްވޭ ޑިމޮކްރެޓްސް (އެމްޓީޑީ) އަށް ސޮއި ކުރައްވައިފިއެވެ.
އެމްޓީޑީން ކޮށްފައިވާ ޓްވީޓުގައި ހަމައެކަނި ބުނެފައިވަނީ ރައީސް އޮފީހުގެ ކުރީގެ ތަރުޖަމާން އިބްރާހިމް މުއާޒު ޢަލީ އެ ޕާޓީއަށް ސޮއި ކޮށްފައިވާ ކަމަށެވެ. އިތުރު ތަފްސީލެއް ހާމަކޮށްފައެއް އަދިނުވެއެވެ.
Kureege Raees Office ge Spokesperson @IbrahimMuazAli Maldives Third-Way Democrats ah soe kurahvaifi!#AaHiyaalu pic.twitter.com/LBBL2FacYj
— Maldives Third-Way Democrats (@MTDSecretariat) May 19, 2022
ރައީސް އަބްދުﷲ ޔާމީން ޢަބްދުލްޤައްޔޫމުގެ ސަރުކާރުގައި ރައީސް އޮފީހުގެ ތަރުޖަމާންކަން ކުރައްވާފައިވާ މުއާޒަކީ ރައީސް ޔާމީނާއި އެމަނިކުފާނުގެ އަނބިކަނބަލުން މެޑަމް ފާތިމަތު އިބްރާހިމް ގެ ވެސް ވަރަށް އަރިސް ބޭފުޅެއްގެ ގޮތުގައި ފާހަގަކުރެވުނު ފަރާތެކެވެ.
ޚާއްޞަކޮށް ރިޔާސީ ލޯންޗުކޮޅުގައި ރައީސް ޔާމީނަށް އަމާޒުކޮށް ދިން ހަމަލާ (ގޮވާ އެއްޗެއް ބޭނުންކޮށްގެން ދެވުނު ހަމަލާ) އަށްފަހު ވެސް މުއާޒު ވަނީ ރައީސް ޔާމީނާއި މެޑަމް ފާތުންގެ ދިފާޢު ގައި ވަރަށް ގިނަ ވާހަކަތައް ދައްކަވާފައެވެ.
އެހެންނަމަވެސް ރިޔާސީ ލޯންކޮޅުގައި ހިނގާދިޔަ ހާދިސާ، ހިނގައިދިޔަ ގޮތުގައި ތަފާތުތަކެއް ހުރިކަމަށް މުއާޒު ވަނީ ވިދާޅުވެފައެވެ. އެގޮތުން އެ ހާދިސާ ހިނގައިދިޔަ ގޮތުގެ ވީޑިއޯ އަށް ބަދަލުތަކެއް ގެނެސްފައިވާކަމަށް ދޭހަވާގޮތަށް މުއާޒުގެ ބަސްމަގު ވަނީ ބައްޓަން ކުރައްވާފައެވެ.
