މާލޭގެ ގެއެއްގެ ދެވަނަ ބުރިން ކުޑަކުއްޖަކު ވެއްޓިއްޖެއެވެ.
މައުލޫމާތު ލިބިފައިވާ ގޮތުގައި ކުޑަކުއްޖާ ވެއްޓުނީ އުމުރުން ހަތް އަހަރުގެ ކުއްޖެކެވެ. އެއީ މއ. ޖަރީވިލާގޭގެ ދެވަނަ ބުރިންނެވެ. އަދި ކުއްޖާ ވެއްޓުނީ އެގޭގެ ދެވަނަ ބުރީގައި ހުރި ކުޑަދޮރަކުން ކަމަށްވެއެވެ. ކުއްޖާ ވެއްޓުނު ކަމަށް ވަނީ މިއަދު މެންދުރު ފަހު 1:30 ހާއިރުއެވެ. ނަމަވެސް ކުއްޖާ ވެއްޓެން މެދުވެރިވި ސަބަބު އަދި ސާފުވާ ގޮތެއް ނުވެއެވެ.
ހަތް އަހަރުގެ ކުއްޖާ އެގޭ ދެވަނަ ބުރިން ވެއްޓުމުން އެކުއްޖާއަށް ލިބުނު އަނިޔާ ތަކުގެ ސަބަބުން މިހާރު ވަނީ އައިޖީއެމްޗަށް ގެންގޮސް ފަރުވާދޭން ފަށާފައެވެ.
