އެމްޓީސީސީން ދެމުންދާ ބަހުގެ ޚިދުމަތް ޢީދު ނަމާދު ވަގުތު މެދުކަނޑާލާނެ ކަމަށް އެ ކުންފުނިން ބުނެފިއެވެ.
އެ ކުންފުނިން ބުނީ ގްރޭޓަރ މާލެ ސަރަހައްދުގައި ބަސް ރޫޓުތަކުގެ ޚިދުމަތް އީދު ނަމާދަށް މެދުކަނޑާލުމަށްފަހު އަލުން ފަށާނީ 08:30 ގައި ކަމަށެވެ.
ޢީދު ނަމާދު ވަގުތުގެ ކުރިން ބަހުގެ ޚިދުމަތް ލިބޭނެ ކަމަށާއި އެގޮތުން ހުޅުމާލެ ވެސްޓު ޕާކުން ހުޅުމާލެ ފޭސް 2 އަށް އަދި މާލެ ކާނިވާ ސަރަޙައްދުން ހުޅުމާލެ ފޭސް 2 އަށް ހެނދުނު 6 ޖަހާއިރު ދަތުރު ކުރާނެ ކަމަށް އެމްޓީސީސީން ބުނެއެވެ.
މީގެ އިތުރުން މާލެ ވެސްޓު ޕާކު ސަރަހައްދުން އެއަރޕޯޓަށް ހެނދުނު 6:40 އަދި ހުޅުމާލެ ފޭސް 2 އިން ހުޅުމާލެ ފޭސް 1 އަށް ހެނދުނު 6:15 -6:00، 6:15 -6:45 ގައި ބަސް ދަތުރު ކުރާއިރު، ހުޅުމާލެ ފެސް 2 އިން މާލެ ވެސްޓު ޕާކު ސަރަހައްދަށް ހެނދުނު 6:00 ގައި ބަސް ދަތުރު ކުރާނެ ކަމަށް ވެސް އެމްޓީސީސީން ބުންޏެވެ.
އެ ކުންފުނިން ބުނީ ގްރޭޓަރ މާލޭ ސަރަހައްދުގެ ބަސް ދަތުރުތައް ޢީދު ނަމާދު ވަގުތު މެދުކަނޑާލިޔަސް އެއަރޕޯޓު ރޫޓުގެ ބަސް ދަތުރުތައް މެދުކެނޑުމަކާއި ނުލައި ކުރިއަށް ދާނެ ކަމަށެވެ.
