ކުރިއަށް އޮތް 2023 ގެ ރިޔާސީ އިންތިޚާބުގައި ރައީސް ނަޝީދު ވާދަކުރައްވާނެ ކަމަށް އީވާ ޢަބްދުﷲ ވިދާޅުވެއްޖެއެވެ.
އީވާ މިހެން ވިދާޅުވީ އެމްޑީޕީގެ ޗެއަރޕާރސަންގެ އިންތިޚާބުގައި ވާދަކުރައްވާ އިމްތިޔާޒު ފަހުމީ (އިންތި) ގެ ކެމްޕޭން ޓީމުގެ ފަރާތުން މިރޭ ބޭއްވި ތަރާވީހެއްގައި ވާހަކަދައްކަވަމުންނެވެ.
އީވާ ވިދާޅުވީ 2023 ގައި ވެސް ބޭނުންވަނީ އެމްޑިޕީގެ ވެރިކަމެއް ކަމަށާއި 2023 ގެ އިންތިޚާބަށް ރައީސް ނަޝީދު ކުރިމަތިލައްވާނެ ކަމަށެވެ.
""2023 ގެ އިންތިހާބަށް އިރާދަކުރެއްވިއްޔާ ރައީސް ނަޝީދު ކުރިމަތިލައްވާނެ. 2023 ގެ އެމްޑީޕީގެ ޕްރައިމަރީއަށް ރައީސް ނަޝީދު ކުރިމަތިލައްވާނެ" ރައްޔިތުންގެ މަޖިލީހުގެ ނާއިބު ރައީސް އީވާ ޢަބްދުﷲ ވިދާޅުވިއެވެ.
އެމްޑީޕީގެ ޕްރައިމަރީގެ ކުރިން ރައީސް ނަޝީދަކީ ޕާޓީން ބާކީ ކުރެވިފައިވާ މީހަކަށް ހެދުމަށް މިއަދުން ފެށިގެން ވެސް މަސައްކަތް ކުރަމުން އެބަ ގެންދާ ކަމަށާއި ޕާޓީގެ މުސްތަޤުބަލަށް އަސަރުކުރާނީ ޗެއަރޕާރސަންކަމުގެ އިންތިޚާބުގެ ވޯޓު ނިމިގެންދާ ގޮތަކުން ކަމަށް ވެސް އީވާ ވިދާޅުވިއެވެ.
އީވާ މިރޭ އެހެން ވިދާޅުވިއިރު، އެމްޑީޕީގެ ޕްރައިމަރީގައި ވާދަކުރައްވާނެކަން ރައީސް ނަޝީދު ވެސް މީގެ ކުރިންވަނީ ވަނީ އިއުލާނު ކުރައްވާފައެވެ.
މީގެ އިތުރުން 2023 ގައި ރިޔާސީ އިންތިޚާބެއް ނޯންނާނެ ކަމަށާއި ނަމަވެސް، ރިޔާސީ ޕްރައިމަރީގައި އެމަނިކުފާނު ބައިވެރިވެވަޑައިގަންނަވާނެކަމަށް މަޖިލީހުން ގެނެސްދޭ އާސްކް ސްޕީކަރ ޕްރޮގްރާމްގައި ވާހަކަ ދައްކަވަމުން ރައީސް ނަޝީދުވަނީ ވިދާޅުވެފައެވެ.
އޭރު އެމަނިކުފާނު ގެންދެވީ ރާއްޖޭގެ ވެރިކަމުގެ ނިޒާމު ބަރުލަމާނީ ނިޒާމަކަށް ބަދަލު ކުރުމަށް ފާޅުގައި ގިނަ މަސައްކަތްތަކެއް ކުރައްވަމުންނެވެ.
