1443 ވަނަ އަހަރުގެ ރަމަޟާންމަހުގެ ރޭތައް އިޙްޔާކުރުމަށް ކުރިއަށްގެންދާ އިޙްޔާ ފޯރަމްގެ 7 ވަނަ ޕްރޮގްރާމް މިރޭ އިސްލާމީ މަރުކަޒުގައި އޮންނާނެއެވެ.
މިރޭ ތަޤްރީރުކުރައްވާނީ އަލްއުސްތާޛް މުޙައްމަދު އަނީލް އަދި އައްޝައިޚް ނިމާލް މުޙައްމަދު އެވެ. މިރޭގެ މައުޟޫޢުއަކީ ”އެންމެ ރިވެތި ވާހަކަ” މި މައުޟޫޢުއެވެ. ފޯރަމް ކުރިއަށް ދާނީ 21:30 އިން 22:30 އަށެވެ.
ރަމަޟާންމަހުގެ ރޭތައް އިޙްޔާކުރުމަށް ރ. ދުވާފަރުގައި ބާއްވާ ފޯރަމް އޮންނާނީ މާދަމާ ރޭ، 18 އޭޕްރިލް 2022ގައި އެރަށު ޕްރައިމަރީ ސްކޫލުގައެވެ. މި ފޯރަމްގައި ބައިވެރިވެވަޑައިގަންނަވާނީ އައްޝައިޚް ޢަބްދުﷲ ރަޝީދު އަދި އައްޝައިޚް މުޙައްމަދު ޝިފާނެވެ. ތަޤްރީރު ކުރައްވާނީ ”އީޖާބީ ވިސްނުން” މި މައުޟޫއަށެވެ.
