ސައުދީ އަރަބިއްޔާގެ އަތްދޮށުން ފ. އަތޮޅު ސަލާމަތް ކުރިގޮތަށް ޗައިނާ އަތްދޮށުން ދިވެހި ރާއްޖެވެސް ސަލާމަތް ކުރާނެ ކަމަށް އެމްޑީޕީގެ ނައިބު ރައީސް މުޙަންމަދު ޝިފާޒް މިރޭ ވިދާޅުވެއްޖެއެވެ.
ޗައިނާ އާއި ރާއްޖެ މިނިވަން ވިޔަފާރީގެ އެއްބަސްވުމަކަށް ދިޔުމަށް ސަރުކާރުން ނިންމި ނިންމުމަށް ރައްޔިތުންގެ މަޖިލީހުން ރުހުން ދިނުމާއި ގުޅިގެން އިދިކޮޅު ފަރާތްތަކުން އެކަމާދެކޮޅަށް މިރޭ އެމްޑީޕީގެ ހަރުގޭގައި ފެށި ސިލްސިލާ އިހުތިޖާޖު ބައްދަލުވުމުގައި ވާހަކަ ދައްކަވަމުން ޝިފާޒް ވިދާޅުވީ ދިވެހި ރާއްޖޭގެ އިސްތިޤުލާލާ ކުޅެން އެއްވެސް ބަޔަކު އުޅެގެން ނުވާނެކަމަށާއި، ރާއްޖެ އެގޮތަށްދާން "ދީލާލި އެތައް ފަހަރެއް ދިޔަ" ކަމަށެވެ. ނަމަވެސް މިގޮތަށް ދިވެހިން މިއަދު މިތިބީ ދިވެހިން އެގޮތް ބޭނުން ނުވުމުން ކަމަށް ޝިފާޒް ވިދާޅުވިއެވެ. އަދި ކުރިޔަށް އޮތްތަނުގައިވެސް އެފުރުޞަތު އެއްވެސް ބަޔަކަށް ދިވެހިން ނުދޭނެ ކަމަށްވެސް އޭނާ ވިދާޅުވިއެވެ.
ޝިފާޒް ވިދާޅުވީ ރާއްޖެއިން ޗައިނާއާއެކު ގާއިމްކުރަން ތައްޔާރު ވަމުން އަންނަ މިނިވަން ވިޔަފާރީގެ ސަބަބުން ދިވެހި ރާއްޖޭގައި ޗައިނާ ރައްޔިތުންގެ އާބާދީ އިންތިހާއަށް ބޮޑުވެގެންދާނެ ކަމަށެވެ. އެހެންކަމުން އެ އެއްބަސްވުމުގެ ސަބަބުން ދިވެހިންނަށް އެތައް ގެއްލުންތަކެއް މުސްތަގްބަލުގައި ލިބޭނެތީ މިރޭ އިދިކޮޅު އިއްތިހާދުން ފެށި އިހުތިޖާޖު ސިލްސިލާ އިހުތިޖާޖު ތަކެއްގެ ގޮތުގައި ހުއްޓުމެއްނެތި ކުރިޔަށްދާނެ ކަމަށްވެސް ޝިފާޒް ވިދާޅުވިއެވެ.
