އިންޑިޔާގައި އުތުރުގެ ހިސާބެއްގައި އޮތް ހިންދޫންގެ ބޮޑު ބައްދަލުވުމެއްގައި މުސްލިމުންނާ ދެކޮޅަށް ގަތުުލުއާއްމު ހިންގުމަށް ގޮވާލުމާ ގުޅިގެން ގިނަ ފަރާތްތަކަކުން އެވާހަކަމެދު ކަންބޮޑުވުން ފާޅުކޮށް، ފިޔަވަޅުއެޅުމަށް ގޮވާލަމުން އެބަދެއެެވެ.
ފުލުހުން ބުނީ އުތުރުގެ ސްޓޭޓެއް ކަމުގައިވާ އުއްތަރާކަންޑުގެ ހަރިދްވާރްގައި އޮތް ބައްދަލުުވުމުގެ ވާހަކަދެއްކި ހިންދޫ ހާމުދުރުން ނަފްރަތު އުފެދޭަފަދަ ވާހަކަދައްކާފައި ވާތީ އެކަން ތަހުގީގުކުރަމުން އަންނަަކަމުގައެވެ. އެ ބައްދަލުވުމުގައި ވާހަކަ ދެއްކި މީހުން ވަނީ މުސްލިމުންނާ ދެކޮޅަށް ހަތިޔާރު އުފުލުމަށާއި، ގަތުލުއާއްމު ހިންގުމަށް ގޮވާލާފައެވެ.
"ހަތިޔާރާ ނުލާ އެެއްވެސް ކަމެއް ނުވާނެ. އެމީހުން އާބާދީ ހުސްކޮށްލަން ބޭނުމިއްޔާ އެމީހުން މަރާލާ. މަރަން ތައްޔާރަށް ތިބޭ. ޖަލަށް ދާންވެސް ތައްޔާރަށް ތިބޭ. އަހަރުމެންގެ ތެރޭން 100 މީހަކު އެމީހުންގެ 20 ލައްކަ މީހުން މަރާލަން ތިބިއްޔާ އަހަރުމެން ވާނީ ކާމިޔާބު ބަޔަކަށް." ބައްދަލުވުމުގައި ވާހަކަދެއްކަމުން ހިންދޫ މަހާސަބާގެ ސެކްރެޓަރީ ޖެނެރަލް ސާދްވީ އަނާޕޫރްނާ ބުނެފައި ވެއެވެ.
މި ބައްދަލުވުމުގައި ބޮޑުވަޒީރު ނަރެންދްރަ މޯދީގެ ބާރަތިޔާ ޖަނަތާ ޕާޓީ (ބީޖޭޕީ) ގެ އިސް މެންބަރަކުވެސް ބައިވެރިވިކަމަށް ވެއެވެ. ބީޖޭޕީގެ ވެރިކަމުގައި މުސްލިމުންނަށްް ދުއްތުރާކުރުމާއި، އެބައިމީހުންގެ ހައްގުތައް ނިގުޅައި ގަތުމާއި، އިންޑިޔާ ތާރީޚުން މުސްލިމުންގެ ވާހަކަ ފުހެލުމުގެ މަސައްކަތް ދަނީ ކުރަމުންނެވެ.
ފާހަގަކޮށްލެވޭ މުސްލިމް ލީޑަރެއް ކަމުގައިވާ އަސަދުއްދީން ޢުވައިސީ ކުރެއްވި ޓުވީޓެއްގައި ވިދާޅުވި ގޮތުގައި އެ ބައްދަލުވުުމުގައި ދެއްކި ވާހަކަތަކަކީ "ފާޅުގައި ގަތުލުއާއްމަށް ހިތްވަރުދިނުމުގެ" ވާހަކަތަކެކެވެ.
އިންޑިޔާގެ ހޯމް މިނިސްޓަރު އަމިތު ޝާހްއަށާއި، ނޭޝަނަލް ހިއުމަން ރައިޓްސް ކޮމިޝަން (އެންއެޗްއާރްސީ) އަށާއި، ނޭޝަނަލް ކޮމިޓީ ފޯ މައިނޯރިޓީސްއަށާއި، އުއްތަރާކަންޑްގެ ޗީފް މިނިސްޓަރަށަށް ފޮނުއްވި ސިޓީއެއްގައި އިންޑިޔާގެ އެންމެ ބޮޑު އެއް އިސްލާމީ ޖަމްއިއްޔާ، ޖަމްއިތު އުލަމާއެ ހިންދްގެ ރައީސު މައުލާނާ މަޙްމޫދު މަަދަނީ ވަނީ މުސްލިމުންނާ ދެކޮޅަށް ގަތުލުއާއްމު ހިންގަން ގޮވާލި ފަރާތްތަކާމެދު ފިޔަވަޅު އެޅުމަށް ގޮވައިލައްވާފައެވެ.
"އެމީހުން ވަނީ ގައުމުގެ އަމާންކަމާއި އިޖްތިމާއީ ހަމަޖެހުމަށް ނުރައްކަލަކަށް ވެފައި. (އެބައްދަލުވުން) އިންތިޒާމްކުރި ފަރާތްތަކާއި، ވާހަކަދެެއްކި މީހުންނާ މެދު ފިޔަވަޅު އެޅުން އަޅުގަނޑު އެދެން." މައުލާނާ މަދަނީ ފޮނުއްވި ސިޓީގައި ވެއެވެ.
މުސްލިމް ލީޑަރުންގެ އިތުރަށް އެހެން ބައެއް ފަރާތްތަކުން ވެސް ވަނީ ނަފުރަތު އުފައްދާފަދަ ވާހަކަދެއްކި މީހުން ހައްޔަރުކުރަން ގޮވައިލައްވާފައެވެ.
ސިއްސައިގެންދާވަރުވޭ! އެ ބައްދަލުވުގައި އެފަދަ ވާހަކަދެއްކި އެއްމެން އިންޑިޔާގެ ގާނޫނުލް އުގޫބާތާއި، ގާނޫނާއި ޚިލާފު އަމަލުތައް ހުއްޓުވާ ގާނޫނާ ނުރައްކާތެރި ގޮތުގައި ޚިލާފުވެފައި ވާތީ އެމީހުން ހައްޔަރުކުރަން ޖެހޭ. ސުޕްރީމް ކޯޓުން ސޫ މޯޓޯ މައްސަލައެއްގެ ގޮތުގައި މި މައްސަލަ ނަގަންޖެހޭ." މަޝްހޫރު ގާނޫނީ ވަކީލު ޕްރަޝާންތު ބުޝަން ކުރެއްވި ޓުވީޓެއްގައި ވެއެވެ.
ތާއީދުކުރަން. އެފަދަ ވާހަކަތަކުން އިޖްތިމާއީ ހަމަޖެހުމާއި، ގައުމީ ސަލާމަަތަށް އަސަރަކުރޭ. މަދަނީ ވެރިން ފިޔަވަޅު އަޅުއްވަން ޖެހޭ." ބުޝަންގެ ޓުވީޓަށް ތާއީދުކުރައްވަމުން އިންޑިޔާގެ ކުރީގެ ޗީފް އޮފް އާމީ ސްޓާފް ޖެނެރަލް ވޭދް މަލިކް ވިދާޅުވެފައި ވެއެވެ.
