މޯލްޑިވްސް ނޭޝަނަލް ކެޑޭޓް ކޯރ (އެމްއެންސީސީ) ގެ ސީ ކެޑޭޓުންނަށް އެމްއެންޑީއެފް ކޯސްޓްގާޑުން ކަނޑުމަތީގެ ތަމްރީނު ދިނުމުގެ ޕްރޮގްރާމެއް ފަށައިފިއެވެ.
މިއަދުން ފެށިގެން ދެ ދުވަހުގެ މުއްދަތަށް އެމްއެންޑީއެފް ކޯސްޓްގާޑް ޝިޕް ހުރަވީގައި ކުރިއަށް ގެންދާ މި ތަމްރީންތަކުގައި ރާއްޖޭގެ އެކި ސްކޫލްތަކުން 19 ސީ ކެޑޭޓުން އަންނަނީ ބައިވެރިވަމުންނެވެ.
މި ތަމްރީން ޕްރޮގްރާމުގައި ކިޔަވައިދޭ ބައިތަކުގެ ތެރޭގައި ޝިޕް ބޯޑިންގ އާއި ބޭސިކް ނެވިގޭޝަން، ސީމަންޝިޕް، ޝިޕް ބޯޑް ޑްރިލްސް، ފަޔަރ ފައިޓިންގ، އަދި ޝިޕްގެ މައިގަނޑު ބައިތައް ހިމެނެއެވެ.
މި ޕްރޮގްރާމުގައި އިންސްޓްރަކްޓަރުންގެ ގޮތުގައި ހަރަކާތްތެރިވަނީ އެމްއެންޑީއެފް ކޯސްޓްގާޑުގެ ބޭފުޅުންނެވެ.
