އެންމެ ކުޑަ އުޖޫރަ ނުވަތަ މިނިމަމް ވޭޖް ކަނޑައެޅުން އަންނަ ހޯމަ ދުވަހު ބާއްވަން ސަރުކާރުން ނިންމައިފިއެވެ.
ބައެއް މީޑިއާތަކުގައި ރިޕޯޓު ކޮށްފައިވާ ގޮތުގައި އެންމެ ކުޑަ އުޖޫރަ ކަނޑައަޅަނީނ ފުރަތަމަ ހަމަޖެއްސި ކަމަށް ވާހަކަ ދެއްކެވުނު ބައެއް އުސޫލުތަކަށް ބަދަލު ގެނެސްފައެވެ.
އެންމެ ކުޑަ އުޖޫރަ ކަނޑައެޅުމަކީ ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙްގެ ރިޔާސީ ވައުދެކެވެ. އިކޮނޮމިކް މިނިސްޓަރީން އުޖޫރަ ކަނޑައަޅަން ދެތިން ފަހަރަކު ތާރީޚު އިއުލާނު ކުރިއެވެ. އެކަމަކު މަޝްވަރާ ކުރަމުން ދަނީކަމަށް ބުނެ ލަސް ކުރަމުން ގެންދިޔައީއެވެ.
އެންމެ ކުޑަ އުޖޫރައިގެ ގޮތުގައި 6400 ރުފިޔާ އާއި 8000 ރުފިޔާއާ ދެމެދުގެ އަދަދެއް ކަނޑައެޅުމަށް މިނިވަން ވޭޖް ބޯޑުން މިދިޔަ އަހަރު އޮތީ ލަފާ ދީފައެވެ.
