ހުޅުމާލޭގައި އަލަށް ހިއްކި ސަރަހައްދުގައި 80،000 މީހުންނަށް ބޯހިޔާވަހިކަން ފޯރުކޮށް ދިނުމަށް ޓަކައި ސަރުކާރުން ހިންގާ3 ބޮޑު މަޝްރޫއުގެ ބިންގާ އެޅުމާއެކު އޭގެތެރެއިން ބަޔެއް ތަންތަނުގައި އަންނަ އަހަރުގެ ތެރޭގައި މީހުންނަށް ދިރިއުޅެވޭނެ ކަމަށް ރައީސުލްޖުމްހޫރިއްޔާ އަބްދުﷲ ޔާމީން ވިދާޅުވެއްޖެއެވެ.
ބޯހިޔާވަހި ކަމުގެ އެންމެ ބޮޑު މަޝްރޫއު ފެއްޓުމަށް އޮތް ރަސްމިއްޔާތުގައި ރައީސް ވިދާޅުވީ ބަޔެއް ފްލެޓްތަކުގައި އަންނަ އަހަރު މީހުންނަށް ދިރިއުޅެވޭވަރު ވާއިރު ކުރިޔަށް އޮތް 2019 ވަނަ އަހަރުގެ ތެރޭގައި މަޝްރޫއު އެއްކޮށް ނިންމާލެވޭނެ ކަމަށެވެ. މި މަޝްރޫއު ނިމޭއިރު 14 ބުރީގެ 62 ޓަވަރު ހުންނާނީ ނިމިފައެވެ.
މި ޓަވަރުތައް އަޅަނީ ސަރުކާރުގެ އެކި ކުންފުނިތަކުން ނަމަވެސް އެ ކުންފުނި ތަކުގެ މުއައްޒަފުންގެ އިތުރުން އާންމުންގެ ގިނަބަޔަކަށްވެސް އެ ތަންތަނުގައި ބޯހިޔާވަހިކަން ހަމަޖެހިގެން ދާނެއެވެ. އެގޮތުން ކުންފުނި ތަކުން އަޅާ ޓަވަރުތަކުގެ ދެބައިކުޅަ އެއްބައި ކުންފުނީގެ މުއައްޒަފުންނަށް ޚާއްސަ ކުރާއިރު އަނެއްބައި ލިބޭނީ އާންމުންނަށެވެ.
ރައީސް ވިދާޅުވީ މި މަޝްރޫއަކީ އެކަނިވެރި މައިންނާއި ޒުވާނުންނަށްވެސް ލިބިގެންދާ ވަރަށް ބޮޑު އުންމީދެކެވެ. އަދި އެމީހެއްގެ އުންމީދާއި ކުރިމަތިވެފައިވާ ދަތިކަމެއް ފިލުވައިދޭން ރައީސް އަރިހުގައި ބުނެވެން ވާނެ ކަމަށް ރައީސް ކަމަށެވެ.
"ކީއްވެގެންތޯ ރައީސަކަށް ހުންނަ މީހެއް ކައިރީ ނުބުނަންވީ ތިމަންނަމެންގެ މިވެނި އުއްމީދެއް އެބައޮތޭ، މި ދަތި ފިލުވައިދޭށޭ. ބުނެވެންވާނެ. އަދި ރައީސަކު އެކަން ކުރެވޭތޯ ވެސް ބަލަން ވާނެ." ރައީސް ޔާމީން ވިދާޅުވިއެވެ.
