ސެކަންޑަރީ ބައި އަންނަ އަހަރުން ފެށިގެން ގްރޭޑް 9 ން ފަށާގޮތަށް ނިންމައިފިއެވެ.
އެޑިޔުކޭޝަން މިނިސްޓްރީން މަތީ ގްރޭޑްތައް ގައުމީ އާ މަންހަޖުގެ ތެރެއަށް ބަދަލު ކުރުމާއެކު އައި މި ބަދަލަކީ ފަހަކަށް އައިސް ތައުލީމީ ނިޒާމަށް ގެނައި އެންމެ ބޮޑު ބަދަލެވެ. މީގެކުރިން ސެކަންޑަރީ ކިޔެވުން ފަށަނީ ގްރޭޑް 8 ން ފެށިގެންނެވެ. އެގޮތަށް އޮންނަތާ މިހާރު ވަނީ އެތައް އަހަރުތަކެއް ފާއިތުވެ ގޮސްފައެވެ.
ގައުމީ އާ މަންހަޖަށް ގެނައި މި ބަދަލާއެކު ދަރިވަރުން ވަކި ސްޓްރީމެއް އިޚްތިޔާރުކޮށް ކިޔެވުން ކުރިޔަށް ގެންދާނީ ގްރޭޑް 9 ން ފެށިގެންނެވެ. ގްރޭޑް 9 އާ ހަމައަށް ދަރިވަރުން ކުރިޔަށްދާނީ ތިން ސްޓްރީމްވެސް ކިޔަވަމުންނެވެ. އެޑިޔުކޭޝަނުން މިހާރު އަންނަނީ ތަފާތު ސްޓޭޖު ތަކަށް ބަހާލައިގެން ކިޔަވައި ދެމުންނެވެ.
އެގޮތުން ސްޓޭޖް 1 ގައި ހިމެނެނީ ގްރޭޑް 1،2،3 އެވެ. ސްޓޭޖް ދޭއްގައި ހިމެނެނީ ގްރޭޑް 4،5،6 އެވެ. ސްޓޭޖް ތިނެއްގައި ހިމެނޭނީ ގްރޭޑް 7،8 އެވެ. ސްޓޭޖް ހަތަރެއްގައި ހިމެނޭނީ ގްރޭޑް 9،10 އެވެ.
