ރައްޔިތުންގެ މަޖިލީހުގެ މެމްބަރުންނަށް ރިޝްވަތު ދެއްވި ކަމުގެ ދައުވާ ކޮށްފައިވާ މަޖިލީހުގެ ދިއްގަރު ދާއިރާގެ މެމްބަރު އަދި ކުރީގެ ރައީސް މައުމޫންގެ ދަރިކަލުން ފާރިޝް މައުމޫންގެ ޝަރީއަތުގެ އަޑު އެހުމެއް މާދަމާ ބާއްވަން ކްރިމިނަލް ކޯޓުން ތާވަލް ކޮށްފިއެވެ.
މާދަމާ އޮންނަ ޝަރީއަތުގައި ކުރިޔަށް ދާނީ ޝަރީއަތުގެ ކުރިން ހުށަހަޅާ ހުށަހެޅުން ތަކާމެދު ވާހަކަ ދެއްކުމެވެ. މާދަމާގެ ޝަރީއަތުގެ އަޑު އެހުން އޮންނާނީ ހެނދުނު 10 ޖަހާއިރުއެވެ. ފާރިޝް ވަނީ ތޭވީސް ކަމެއް އޭނާގެ ފަރާތުން ހުށަހަޅާފައެވެ. ނަމަވެސް އެ ހުރިހާ ކަމަކަށް ވާހަކަ ދެއްކުމެއް ތާވަލެއް ނުކުރެއެވެ. މިހާތަނަށް ވަނީ 9 ކަމެއް ތާވަލް ކޮށްފައެވެ.
ގިނަ ދުވަސްތަކެއް ވަންދެން ޖަލުގައި ބަހައްޓަވާފައި ހުންނެވި ފާރިޝް ދާދިފަހުން ވަނީ ގެޔަށް ބަދަލު ކުރައްވާފައެވެ. ނަމަވެސް ގެޔަށް ބަދަލު ކުރެއްވިތާ މާގިނަ ދުވަހެއް ނުވެ އަނބުރައި ވަނީ ޖަލަށް ގެންގޮސްފައެވެ.
