ރާއްޖެއިން އިތުރު 734 މީހުން ކޯވިޑް-19އަށް ޕޮޒިޓިވްވެއްޖެއެވެ. މިއީ މިފަހުން ކޮންމެ ރެއަކު ރާއްޖެއިން ރެކޯޑު މިންވަރަކަށް މީހުން ކޮވިޑް-19އަށް ޕޮޒިޓިވްވަމުންދާ ދިއުމަށް އަނެއްކާވެސް އިތުރުވި ބޮޅެކެވެ.
މިރޭ އަލަށް ޕޮޒިޓިވްވި މީހުންގެތެރޭގައި ހިމެނެނީ، މާލެ ސަރަޙައްދުން ޕޮޒިޓިވްވި 540 މީހުންނާއި އަތޮޅުތަކުން ޕޮޒިޓިވްވި 186 މީހުންނާއި ރިސޯޓުތަކުން ޕޮޒިޓިވްވި 7 މީހުންނާއި ސިނާއި ރަށްރަށުން ޕޮސޒިޓިވްވި މީހެކެވެ. ރާއްޖެއިން މިހާތަނަށް ކޯވިޑް-19އަށް ޕޮޒިޓިވްވި މީހުންގެ ޖުމުލަ ޢަދަދު މިވަނީ 32,665 އަށް އަރާފައެވެ.
މިވަގުތު ކޯވިޑް-19އަށް ޕޮޒިޓިވްވެގެން ފަރުވާދެމުންދާ 7,109 މީހުން ރާއްޖޭގައި އެބަތިއްބެވެ. ހޮސްޕިޓަލުތަކުގައި އެޑްމިޓްކޮށްގެން 198 މީހުންނަށް ދަނީ މިވަގުތު ފަރުވާދެމުންނެވެ. މިރޭ އަލަށް މިބަލިން ރަނގަޅުވީ 133 މީހުންނެވެ. މިއާއެކު މިހާތަނަށް މިބައްޔަށް ޕޮޒިޓިވްވި 25،473 މީހުން ވަނީ ބަލިން ރަނގަޅުވެފައެވެ.
