މިއީ ވަރަށް ފަސޭހައިން ތައްޔާރުކޮށްލެވޭނެ ޑެޒާޓެކެވެ. ފޮނި އެއްޗެހި ކާން ބޭނުންވާ މީހުންނަށް ވަރަށް ކަމުދާނެ ބާވަތެކެވެ.
ބޭނުންވާ ތަކެތި
- 3 ވަށް ދޮންކެޔޮ (ރަނގަޅަށް ދޮންވެފައިވާ)
- 1 ވަށް ދޮންކެޔޮ ( އެހާބޮޑަށް ފާނުވާ ޕުޑިން ތަށީގެ މަތީގައި ގާނިޝް ކޮށްލުމަށް)
- 1 މޭޒުމަތީ ސަމުސާ ލެމަން ޖޫސް
- ½ 1 ކޯލްޑް މިލްކް
- 1 ދަޅު އިންސްޓެންޓް ޕުޑިން
- 1 ދަޅު ގެރިކިރު
- 425 ގްރާމް ވިޕިން ކްރީމް
- 30 ވެނީލާ ވެފަރ ކުކީސް
- ގާނިޝް ކުރުމަށް ސިނެމަން ޝުގަރ (ބޭނުންނަމަ)
ތައްޔާރު ކުރާނެ ގޮތް
1- ރަނގަޅަށް ދޮންވެފައި އޮތް ތިންވަށް ދޮންކެޔޮ ތޮށި ނޮޅުމަށްފަހު ވަށްކޮށް ފޮތިކޮށްލާށެވެ. ދެން ތާޒާ ލުނބޮއެއްގެ ހުތް (ލެމަން ޖޫސް) ދޮންކެޔޮ ފޮތިތަކާ އެއްކޮށްލުމަށް ފަހު އެއް ފަރާތުގައި ބަހައްޓާށެވެ.
2- އިންސްޓެންޓް ވެނީލާ ޕުޑިންއާއި ކޯލްޑް މިލްކް އެއްކޮށް ރަނގަޅަށް ގިރައިލާށެވެ. ދެން ގެރިކިރު އެއްކުރުމަށް ފަހު ރަނގަޅަށް ގިރާލާފައި ބަހައްޓާށެވެ.
3- ޕުޑިން މިކްސްގެ ތެރެއަށް ވިޕިން ކްރީމްގެ އެއްބައި އަޅައިލުމަށް ފަހު އަނެއްކާވެސް ގިރައިލާށެވެ.
4- ޑެޒާޓް އަޅާ ވައްތަރު ހެޔޮވަރުގެ ތަށްޓަކަށް ލޭޔަރު ލޭޔަރަށް ޕުޑިންއާއި ދޮންކެޔޮ ފޮތިތަކާއި ކުކީސް އަޅައިލުމަށް ފަހު އެންމެ މައްޗަށް ވިޕިން ކްރީމް އަޅައިލާށެވެ. ބާކީ އޮތް ދޮންކެޔޮވަށް ފޮތިކޮށްލާފައި ޕުޑިން ތަށީގެ މަތީގައި އަތުރައިލާށެވެ.
ނޯޓް: މިތަކެތިން ތިނެއް ނުވަތަ ހަތަރު ތަށި ޕުޑިން ތައްޔާރު ކޮށްލެވޭނެއެވެ. ބޭނުން ނަމަ ފުރިޖުގައި ބަހައްޓައި ފިނި ކޮށްލައިގެންވެސް ކެވިދާނެއެވެ.
