ބަންގްލާދޭޝްގެ އުތުރުގައި ރޮހިންޖާ ރެފިއުޖީން ދިރިއުޅޭ ކޭންޕެއްގެ ބިޔަ އަލިފާންގަނޑެއް ރޯވެ އެތައް ސަތޭކަ ޖިފުޓިއެއް އަނދައި ހުލިވެއްޖެއެެވެ.
"އަހަރުމެންނަށް އަލިފާން ރޯވި ޚަބަރު ލިބުމާއެކު، ހާދިސާ ހިނގިތަނަށް ދިޔައިން. އަަހަރުން މިދަނީ އަލިފާންގަނޑު ކޮންޓުރޯލުކުރުމުގެ މަސަައްކަތްކުރަމުން." ރެފިއުޖީ ރިލީފް އެންޑް ރިޕެޓްރިއޭޝަން ކޮމިޝަންގެ އެޑިޝަަނަލް ކޮމިޝަނާ މުޙައްމަދު ޝަމްސޫދް ދޯޒާ ވިދާޅުވިއެވެ. މަންޒަރު ދުށް މީހުން ބުނިގޮތުގައި ކޮކްސަސް ބަޒާރު އަވަށުގެ އެ ކޭޕްމުގައި އަލިފާން ރޯވީ އިއްޔެ ހަވީރު 3:30 (ރާއްޖޭ ގަޑިން މެންދުރު ފަހު 2:30) ހާއިރުއެވެ.
ބައެއް މީހުން ކިޔައިދިން ގޮތުގައި ކޭންޕުގައި ފުރަތަމަ ހުޅުހިފީ ކައްކާ ގޭސް ފުޅިއެެއް ގޮަވައިގެންނެވެ. ގޭސް ފުޅި ގޮވައި އަލިފާން ރޯވުމުން، އެތަނުގައި ތިިބި މީހުން ފުރަތަމަ މަސައްކަތްކުރީ އަމިއްލަައަށް އަލިފާން ނިއްވާލެވޭތޯއެވެ.
"އަލިފާންގަނޑު ގާތްގަނޑަކަށް ކޮންޓުރޯލުން ނައްޓާލާފައި ވާއިރު، 700 ވަރަކަށް ފޭލިގެ ވަނީ އަނދައި ހުލުވެފައި." ރޮހިންޖާ ޒުވާނުންގެ ލީޑަރު މައްޔޫ ޚާން ބުންޏެވެ.
އދ.ގެ ރެފިއުޖީންނާ ބެހޭ އިދާރާ (ޔޫއެންއެޗްސީއާރް) އިން ބުނި ގޮތުގައި 3500 އަަށްވުރެ ގިނަ ރެފިއުޖީން ދިރިއުޅޭ 550 ޖިފުޓިއާއި، ހިލޭސާބަހަށް މަސައްކަތްކުރާ ޖަމްއިއްޔާތަކުން ހިންގާ 150 ފިހާރައާއި ތަފާތު ޚިދުމަތްދޭ ތަންތަން ވަނީ އަނދައި ހުލިވެފައެވެ.
"އެއީ ބިޔަ އަލިފާންގަނޑެއް އެއަލިފާންގަނޑު އަނދަން ފެށުމުން ވިއްސަކަށް ހާސް މީހުން ވަނީ އެމީހުން ދިރިއުޅޭ ތަންތަން ދޫކޮށް ރައްްކާތެރި ހިސާބުތަކަށް ގޮސްފައި." ކޮކްސަސް ބާޒާރުގެ އެޑްމިނިސްޓްރޭޓަރު މައުމޫނުއްރާޝިދު ވިދާޅުވިއެވެ.
އޮފިޝަލަކު ވިދާޅުވިގޮތުގައި އަލިފާން ރޯވެފައި ވަނީ ކޮކްސަސް ބާޒާރުގެ 8000 އޭކަރަށް ފެތުރިފައިވާ 34 ކޭންޕުގެެ ތެރޭން ކޭންޕެއްގައެވެ. މިހާރު އަލިފާންގަނޑު ވަނީ އިތުރު 2 ކޭމްޕަށް ފެތުރިފައެވެ.
2017 ވަނަ އަަަހަރު މިޔަންމާގެ އަސްކަރިއްޔާއިން ރޮހިންޖާއިންނާ ދެކޮޅަށް ހިންގި ނަސްލު ސާފުކުރުމުގެ ލާއިންސާނީ ޖަރީމާއަށް ފިލަން ހިޖުރަކުރި މިލިއަނެއްހާ ރެފިއުޖީން އުޅެނީ ދިރިއުޅެނީ ބަންގްލާޝްގައެވެ. އަދި އެމީހުންގެތެރޭން ގިނަބަޔު ދިރިއުޅެނީ ކޮކްސަސް ބާޒާރުގައެވެ.
