ނޯޓް: ފާތުމަތި ޞާލިޙަކީ ރައީސްގެ ކޮއްކޮތަ ނޫނީ ދައްތަ ތަ ؟ ޔަޤީން ނުވާތީ އަހާލީ ބޮޑަށް ހީވާ ގޮތަށް އެއޮތީ ލިޔެފަ ކޮއްކޮ ކަމަށް
ރައީސުލްޖުމްހޫރިއްޔާގެ އޮފީހުގެ ޕްރެޒިޑެންޝަލް ސެކްރެޓޭރިއަޓް އެންޑް ޕްރޮޓޮކޯލް ސެކްރެޓަރީގެ މަގާމުގައި ހުންނެވި، ރައީސް އިބްރާހީމް މުޙައްމަދު ޞާލިޙުގެ ކޮއްކޯފުޅު، ފާތިމަތު މުހައްމަދު ޞާލިހުގެ މާލީ ބަޔާން އިސްލާހުކުރުމަށްފަހު ދެވަނަ ފަހަރަށް އާންމުކުރި ސަބަބު ރައީސް އޮފީހުން ހާމަކޮށްފިއެވެ. ފާތިމަތު މުހައްމަދު ޞާލިހްގެ މާލީ ބަޔާން އިސްލާހުކުރުމަށްފަހު ދެވަނަ ފަހަރަށް އާންމުކުރީ މިމަހު 11 ވަނަ ދުވަހުއެވެ.
ރައީސް އޮފީހުން މިއަދު ނެރުނު ނޫސްބަޔާނެއްގައި ވަނީ ފާތިމަތުގެ ޞާލިޙުގެ މާލީ ބަޔާނުގެ ފޯމްގައި ބަޔާންކޮށްފައިވާ އާމްދަނީއާ، މުދަލާއި، ފައިސާ އަދި ލޯނުގެ ބައިގައި، އެކަމަނާގެ މައުލޫމާތުގެ ބަދަލުގައި ފިރިކަލުން، އަލްމަރުހޫމް އިސްމާޢީލް ފިރާޤްގެ ބޭންކް އެކައުންޓްގައި ހުރި ހަތްލައްކަ ރުފިޔާ އަދި އިމާރާތުގެ އަގުގެ ގޮތުގައި 20 މިލިޔަން ރުފިޔާގެ މައުލޫމާތު ހިމެނިފައިވާ ކަމަށެވެ. އެކަން ފާހަގަ ކުރެވިފައިވަނީ މިމަހު 11 ވަނަ ދުވަހު ކަމަށެވެ. އެކަން ދިމާވެފައި ވަނީ ފޯމް އެންޓަރކުރުމުގައި ދިމާވެފައިވާ އޮޅުމެއްގެ ސަބަބުން ކަމަށް ރައީސް އޮފީހުގެ ބަޔާނުގައި ވެއެވެ. އެހެންކަމުން މިކަންކަން އިސްލާހުކުރުމަށްފަހު މާލީ ބަޔާނުގެ ފޯމް އަލުން އަޕްލޯޑްކޮށްފައިވާނެކަމަށް ރައީސް އޮފީހުގެ ބަޔާނުގައި ވެއެވެ.
ފާތިމަތު މުހައްމަދު ޞާލިހަކީ ރައީސް ޞާލިޙުގެ ކޮއްކޯފުޅެއްކަމުގައި ވިއަސް، އޭނާ ރައީސް އޮފީހުގައި މަސައްކަތް ކުރައްވަން ފަށްޓަވައިފައި ވަނީ ރައީސް މައޫމޫނުގެ ވެރިކަމުގައެވެ. އޭގެފަހުން ވަޑައިގެންނެވި ހުރިހާ ރައީސުންނާއެކު އޭނާ ގެންދަވަނީ ރައީސް އޮފީހުގައި މަސައްކަތް ކުރައްވަމުންނެެވެ.
