ހުޅުމާލޭ ކޮވިޑް ފެސިލިޓީގައި ފަރުވާދެމުންދިޔަ މީހަކު ނިޔާވެ ކޮވިޑް-19ގައި ރާއްޖެއިން ނިޔާވި މީހުންގެ ޢަދަދު 52އަށް އަރައިފިއެވެ.
މިރޭ 7:33ގައި ނިޔާވެފައިވާ މީހަކީ ޢުމުރުން 88 އަހަރުގެ ދިވެހި ފިރިހެނެއްކަމަށް ހެލްތު ޕްރޮޓެކްޝަން އެޖެންސީ (އެޗްޕީއޭ)އިން ވިދާޅުވެއެވެ.
Today at 07:33pm, an 88-year-old Maldivian male admitted at HMF has passed away.
This is the 52nd COVID-19 death in the Maldives
Our thoughts and prayers are with the bereaved family. May Allah grant his soul eternal peace in heaven
— Health Protection Agency (@HPA_MV) January 31, 2021
އެންމެފަހުން ކޮވިޑް-19އަށް ޕޮޒިޓިވްވެފައިވާ މީހަކު ރާއްޖޭގައި ނިޔާވީ މިޖެނުއަރީމަހުގެ 24ވަނަ ދުވަހުއެވެ. އެއީ ދިވެއްސެކެވެ. އެދުވަހު ނިޔާވެފައިވަނީ ދަރުމަވަންތަ ހޮސްޕިޓަލުގެ އައިސީޔޫގައި ފަރުވާދެމުންދިޔަ ޢުމުރުން 86 އަހަރުގެ ދިވެހި ފިރިހެނެކެވެ.
މިއަހަރު ފެށުނުފަހުން ކޮވިޑް-19ގެ ކޭސްތައް އިތުރުވެ ނުރައްކާތެރިކަންވަނީ ބޮޑުވެފައެވެ. މިއަހަރުގެ ފުރަތަމަ މަސް ނިމިގެންދާއިރު، މިމަހު 4 މީހުން މިވަނީ މިބަލީގައި ނިޔާވެފައެވެ. ރާއްޖެއިން ކޯވިޑް-19އަށް ޕޮޒިޓިވްވި މީހުންގެ ޖުމްލަ ޢަދަދަކީ މިހާތަނަށް 15,736 އެވެ. ރާއްޖެއިން ކޮވިޑް-19އަށް ޕޮޒިޓިވްވި މީހުންގެ ތެރެއިން ޖުމުލަ 14,096 މީހުން ވަނީ ރަނގަޅުވެފައެވެ. މިހާރު ކޮވިޑް-19ގެ ބަލިމީހުންގެ ގޮތުގައި ފަރުވާދެމުންދަނީ 1,582 މީހުންނަށެވެ. މިވަގުތު މިބަލީގައި އެޑްމިޓްކޮށްގެން ފަރުވާދެނީ 152 މީހުންނަށެވެ.
