ރައްޔިތުންގެ މަޖިލީހުގެ ތިނަދޫ ދެކުނު ދާއިރާގެ މެމްބަރު އަބްދުﷲ އަޙްމަދު (އަބްޅޯ) ގެމަޖިލީހުގެ ގޮނޑި ގެއްލިއްޖެއެވެ.
މައުލޫމާތު ލިބިފައިވާ ގޮތުގައި އަބްޅޯ ޕީޕީއެމް އިން ވަކިކޮށް މިއަދުގެ ވަގުތެއްގައި ރައްޔިތުންގެ މަޖިލީހަށާއި އިލެކްޝަން ކޮމިޝަނަށްވެސް އެ ޕާޓީން ވަނީ އެކަން އަންގާފައެވެ.
އަބްޅޯއަކީ ޖުމްހޫރީ ޕާޓީގެ ޓިކެޓުގައި މަޖިލީހަށް ހޮވިވަޑައިގެންނެވި މެމްބަރެކެވެ. ނަމަވެސް ފަހުން އޭނާ ވަނީ ޕީޕީއެމްއަށް ސޮއި ކުރައްވާފައެވެ. ރައްޔިތުންގެ މަޖިލީހުގެ ރައީސް އަބްދުﷲ މަސީހްގެ އިތުބާރުނެތް ކަމުގެ މައްސަލައިގައި ސޮއި ކުރެއްވި އަބްޅޯ ފަހަކަށް އައިސް ގެންދަވަނީ ސަރުކާރާއި ޕީޕީއެމްއަށް ފާޑު ވިދާޅުވަމުންނެވެ.
