މުޒްދަލިފާއިން ގެއްލުނު ނައިފަރު މީހާ މައްކާއިން ފެނިއްޖެ

ޖަޢުފަރު ރަޝީދު
4 ސެޕްޓެމްބަރު 2017 (ހޯމަ) - 15:17 ރާއްޖޭގެ ޚަބަރު 0
A Muslim pilgrim helps a fellow pilgrim n Mount Mercy on the plains of Arafat during the annual haj pilgrimage, outside the holy city of Mecca September 22, 2015. REUTERS/Ahmad Masood

މުޒްދަލިފާއިން މިނާއަށް ދިޔަ މަގު މަތީގައި މަގު އޮޅިގެން ގެއްލުނު ދިވެހިންގެ ތެރެއިން މިހާތަނަށް ނުފެނިގެން އުޅުނު ނައިފަރު މީހާވެސް ފެނިއްޖެއެވެ.

މައުލޫމާތު ލިބިފައިވާ ގޮތުގައި އުމުރުން 71 އަހަރުގެ އަބްދުއްލަތީފް އަލީ ފެނުނީ މައްކާއިންނެވެ. އޭނާ ފެނުނީ ޙަރަމްފުޅަށް ތޮވާފް ކުރަންދިޔަ ދިވެހިންގެ ބަޔަކަށް ކަމަށްވެއެވެ. އަބްދުއްލަތީފް ފެނުނުއިރު އޭނާ ހުރީ މައްކާގައި ތިބޭ ހޮޓަލާ ވަރަށް ކައިރީގައި ކަމަށްވެސް ވެއެވެ.

ނަމަވެސް އަބްދުއްލަތީފް ގެއްލުނީ ކިހިނެތް ކަމެއްވެސް އަދި އޭނާ މައްކާއަށް އައީ ކިހިނެތް ކަމެއްވެސް އަދި ސާފެއް ނުވެއެވެ. އަބްދުއްލަތީފް މައްކާއިން ފެނުނުއިރު ދިވެހި ހުރިހާ ޙައްޖާޖީންވެސް މިހާރު ވަނީ މައްކާއަށް އައިސްފައެވެ. ހިލަ އުކަން ދިޔުމުގެ ތެރޭގައި މީހުން މަގު އޮޅިގެން ގެއްލުމަކީ އާންމުކޮށް ހިނގާ ކަމެކެވެ.

ޖަޢުފަރު ރަޝީދު
ޖަޢުފަރު ރަޝީދަކީ ކުޅިވަރުގެ ލިޔުންތަކާއި ޚަބަރުތައް ލިޔުމުގެ ދާއިރާއިން މަޝްހޫރުވީ ލިޔުންތެރިއެކެވެ. އާފަތިހުގައި ވަރަށް ގިނަ ދުވަހު ޚިދުމަތް ކުރެއްވި އަދި މިހާރުވެސް ޚަބަރާއި ރިޕޯޓު ލިޔުއްވަމުން ގެންދަވާ ލިޔުންތެރިއެކެވެ.

ޚިޔާލު ފޯމު

ޚިޔާލު ފައުޅު ކުރެއްވުމުގައި ދީނީ، ޤާނޫނީ އަދި ސުލޫކީ މިންގަނޑުތަކަށް ސަމާލުކަން ދެއްވުން އެދެމެވެ.