މޯލްޑިވްސް މަނިޓަރީ އޮތޯރިޓީގެ ގަވަރނަރުގެ މަޤާމަށް ހުށަހަޅުއްވާފައިވާ ނީޒާ ޢިމާދުގެ ނަންފުޅު އަނބުރާ ގެންނެވުމަށްފަހު، އެ މަޤާމަށް ކ. މާފުށި، މުސްތަރީގެ އަޙްމަދު ނަޞީރުގެ ނަންފުޅު، ރައީސުލްޖުމްހޫރިއްޔާ ޢަބްދުﷲ ޔާމީން ޢަބްދުލްޤައްޔޫމް، ރައްޔިތުންގެ މަޖިލީހަށް މިއަދު ހުށަހަޅުއްވައިފިއެވެ.
އެ މަޤާމަށް އަޙްމަދު ނަޞީރުގެ ނަންފުޅު ހުށަހަޅުއްވާފައި ވަނީ ޤާނޫނު ނަންބަރު 81/6 (މޯލްޑިވްސް މަނިޓަރީ އޮތޯރިޓީގެ ޤާނޫނު 1981) އަށް 2 ވަނަ އިޞްލާޙު ގެނައުމުގެ ޤާނޫނުގެ 6 ވަނަ މާއްދާގެ (3) ވަނަ ނަންބަރުގައިވާ ގޮތުގެ މަތީން ކަމަށްވެސް ރައީސް އޮފީހުން ވަނީ ބުނެފައެވެ.
އެމްއެމްއޭގެ ގަވަރުނަރުގެ މަގާމު ހުސްވީ އެމަގާމުގައި ކުރިން ހުންނެވި އަޒީމާ އާދަމް ދިރިއުޅުއްވުން ނިވްޔޯކަށް ބަދަލު ކުރައްވަން ނިންމަވައި މަގާމުން އިސްތިއުފާ ދެއްވުމާއި ގުޅިގެންނެވެ.
