ރާއްޖެއިން އިތުރު 27 މީހަކަށް ކޯވިޑް ޖެހި، ބަލި ޖެހުނު މީހުންގެ ޖުމުލަ 2000 އިން މައްޗަށް އަރައިފިއެވެ. އެޗްޕީއޭއިން މައުލޫމާތު ދޭ ގޮތުގައި މިއަދުގެ އިރު އޮއްސި 6 އާ ހަމައަށް 27 މީހަކަށް ކޯވިޑް ޖެހިފައިވެއެވެ. އެއީ 14 ދިވެހިންނާއި ބަނގްލަދޭޝްގެ 12 މީހަކާއި އިންޑިއާ މީހެކެވެ.
މިއަދު ބަލި ޖެހުނު 27 މީހުންނާއެކު މިހާރުު ރާއްޖެއިން ކޯވިޑް ޖެހުނު މީހުންގެ ޖުމުލަ އަދަދަކީ 2003 އެވެ. މާލޭގައި ބަލި ފެތުރެން ފެށިފަހުން 1193 މީހަކު ބަލި ފަސޭހަވެފައިވާ އިރު ބަލި ރަނގަޅު ނުވެ 800 މީހަކު އެބަތިއްބެވެ. ކޯވިޑް ޖެހިގެން ރާއްޖެއިން 8 މީހަކުވަނީ ނިޔާވެފައެވެ.
