ބައިނަލްއަގުވާމީ ޒުވާނުންގެ ދުވަސް ފާހަގަ ކުރުމުގެ ގޮތުން "އެމްޑީޕީ ޔޫތު ފޯރަމް" ގެ ނަމުގައި މޯލްޑިވިއަން ޑިމޮކްރެޓިކް ޕާޓީ (އެމްޑީޕީ) ގެ ޒުވާނުންގެ ގޮފީގެ ފަރާތުން ފޯރަމެއް ބާއްވައިފިއެވެ. މި ފޯރަމް ފެށީ މިއަދުގެ ހެނދުނުގެ ވަގުތެއްގައެވެ. ނިމުނީ އަސުރަށެވެ.
ފޯރަމްގައި އެކި ދާއިރާތަކުން މެންބަރުންނާއި، ބައިވެރިންނަށް މައުލޫމާތު ބިނުނ އޮތެވެ. ފޯރަމް ފެށުނީ ރާއްޖޭގައި ޑިމޮކްރެޓިކް ހަރަކާތްތައް ފެށިގެން ކުރިއަށް އައި ގޮތާ ބެހޭ ގޮތުން ދިން މައުލޫމާތުންނެވެ. މި ފޯރަމްގައި ކެންޕޭނު ކުރުމަށް މީޑިއާގެ ވަސީލަތްތައް ރަނގަޅަށް ބޭނުން ކުރުމާ ބެހޭ ގޮތނ ބައިވެރިންނަށް މައުލޫމާތު ދެއްވީ އާމިނަތު ޝައުނާއެވެ. އެމްޑީޕީއަށް ކުރެވޭ ލާދީނީ ތުހުމަތުގެ ފުލޯކުކަމުގެ މައްޗަށް މައުލޫމާތު ދެއްވީ ޢާއިޝާ ޙުސައިން ރަޝީދެވެ. އެމްޑީޕީގެ ޒުވާނުންގެ ސިޔާސަތާ ބެހޭ ގޮތުން މަޢުލޫމާތު ދެއްވީ އެމްޑީޕީގެ ސިޔާސަތު ކޮމިޓީގެ ޗެއަރޕަރސަން ޙުސައިން ޢަމްރެވެ. ނިރުބަވެރިކަމާއި ހައްދު ފަހަނައެޅުމުގެ މައްޗަށް މައުލޫމާތު ދެއްވީ ނޫޝީން ވަޙީދެވެ. ކެންޕޭނު ރޭވުމާ ބެހޭ ގޮތުން މައުލޫމާތު ދެއްވީ މާލޭގެ އަންހެނުންގެ ތަރައްގީއަށް މަސައްކަތް ކުރާ ކޮމިޓީގެ ރައީސާ އަފްޝަން ލަޠީފެވެ.
މި ފޯރަމް އޮތީ މާލޭ އުނިމާ ގްރޭންޑް ހޮޓަލުގައެވެ.
ބައިނަލްއަގުވާމީ ޒުވާނުންގެ ދުވަހަކީ ކޮންމެ އަހަރެއްގެވެސް އޯގަސްޓު މަހުގެ ބާރަ ވަނަ ދުވަހެވެ. މި އަހަރުގެ ޝިއާރަކީ "ސުލްހަ ގާއިމު ކުރުމުގައި ޒުވާނުން" އެވެ.
