ރައީސް އިބްރާހީމް މުޙައްމަދް ޞާލިޙް ބަނގްލަދޭޝްގެ ބޮޑުވަޒީރު ޝައިޚް ހަސީނާއަށް ޝުކުރު އަދާކުރައްވައިފިއެވެ. ބޮޑުވަޒީރު ޝައިޚް ހަސީނާ އާ ފޯނުން ގުޅުއްވައި ބަނގްލަދޭޝްގަިއ ތިބި ދިވެހި ކިޔަވާ ކުދިން މާލެ ގެނައުމަށާއި އަދި ބަނގްލަދޭޝްގެ ސަރުކާރުން ރާއްޖެއަށް ވެދެއްވި ދީލަތި އެހީއަށް ޝުކުރު އަދާ ކުރެއްވިއެވެ. މީގެ އިތުރުން ދުނިޔޭގައި މިހާރު ފެތުރެމުންދާ ކޯވިޑް1ގެ އާ ގުޅިގެން ދެގައުމުގެ ހާލަތު މަޝްވަރާ ކުރެއްވިއެވެ.
Pleasure to speak on the phone with PM of #Bangladesh, H.E.Sheikh Haseena a short while ago. During our call, I conveyed our gratitude to the government and people of Bangladesh for evacuating Maldivian students and for the generous assistance in our efforts against COVID19.
— Ibrahim Mohamed Solih (@ibusolih) April 22, 2020
ބަނގްލަދޭޝްގައި ތިބި ދިވެހި ކިޔަވާ ކުދިން ރާއްޖެ ގެނެސްފައިަވނީ މި މަހުގެ ވިހި ވަނަ ދުވަހު ބަނގްލަދޭޝްގެ އަސްކަރިއްޔާގެ މަތިންދާ ބޯޓަކުންނެވެ. މި ބޯޓުން ބަނގްލަދޭޝްގެ މެޑިކަލް ޓީމެއް ވެސް ރާއްޖެއައިސްފައި ވެއެވެ.
މީގެ އިތުރން ކާޑުގެ ބާވަތްތަކާއި ބޭހާއި މެޑިކަލް ސާމާނު ބަނގްލަދޭޝްގެ ސަރުކާރުން ފޮނުވިއެވެ. މި ތަކެތި ގެނައީ އަސްކަރީ މަނަވަރެއްގައެވެ.
Thank you PM Sheikh Hasina, FM @AKAbdulMomen, #Bangladesh Govt. & Navy for the generous & timely contribution towards our fight against COVID-19. The Navy Ship in our harbour with food & medical supplies is testimony to the strong bond of brotherhood between our two countries. pic.twitter.com/2Au4NIoiIj
— Abdulla Shahid (@abdulla_shahid) April 22, 2020
