ރާއްޖޭގެ ރައްރަށަށް އަމާޒުކޮށްގެން ހެޔޮގޮތުގައި ކުނިމެނޭޖް ކުރުމުގެ ނިޒާމު ފުރިހަމަކުރުމަށް ކުރަމުންގެންދާ މަސައްކަތްތަކުގެ ތެރެއިން "ސާފު ރާއްޖެ" މި ޝިޢާރުގެ ދަށުން ރަށްރަށުގައި ކުނި މެނޭޖުކުރުމަށް އިންފްރާސްޓްރަކްޗާ ޤާއިމުކޮށްދީ އަދި ކުނި މެނޭޖުކުރުމަށް ބޭނުންކުރާ އިކުއިޕްމަންޓްތަށް ފޯރުކޮށްދީ ނިމުމުން، ރަށުފެންވަރުގައި ކުނި މެނޭޖުކުރުމުގެ ގޮތުން ފަނާވެދާ ޒާތުގެ ކުނި މެނޭޖުކުރުމަށް، މިނިސްޓްރީ އޮފް އެންވަޔަރަންމަންޓް އެންޑް އެނަރޖީ އާއި ރަށު ކައުންސިލްތަށް ގުޅިގެން ކާދު ތައްޔާރުކުރުމުގެ ސިލްސިލާ ތަމްރީން ޕްރޮގްރާމުގެ ދަށުން ނ.ފޮއްދޫގައި މިއަދު މި ޕްރޮގްރާމް އިފްތިތާޙް ކޮށްފިއެވެ.
މިނިސްޓްރީ އޮފް އެންވަޔަރަންމަންޓް އެންޑް އެނަރޖީގެ ފަރާތުން މި ޕްރޮގްރާމް އިފްތިތާޙްކޮށްދެއްވީ މިނިސްޓްރީގެ އެސިސްޓަންޓް ޑައިރެކްޓަރ އަލްފާޟިލް އަމްރު އާދަމެވެ.
މިސިލްސިލާގެ ފުރަތަމަ ފިޔަވަހީގެ ފުރަތަމަ ތަމްރީން ޕްރޮގްރާމް ހއ، ހދ އަދި ށ އަތޮޅުގެ ރަށްތަކަށް އަމާޒުކުރެވިގެން ނިމިގެން މިދިޔަ އަހަރުގެ ޑިސެންބަރު މަހުގައި ވަނީ ހިންގާފައެވެ. މިއަދު މި އިފްތިތާޙްކުރެވުނީ މި ސިލްސިލާގެ ދެވަނަ ފިޔަވަހީގެ ފުރަތަމަ ޕްރޮގްރާމެވެ.
ރާއްޖޭގައި ހެޔޮގޮތުގައި ކުނި މެނޭޖްކުރުމުގެ މަސައްކަތް ފެއްޓުމުގެ ގޮތުން ސަރުކާރުން މީގެކުރިން ކުރި މަސައްކަތުގެ ތެރެއިން އެންމެ ފުރަތަމަ ކުރި ކަމަކީ ކައުންސިލަރުން އެކަމަށް ހޭލުންތެރި ކުރުވުމެވެ. އެގޮތުން ވަރލްޑު ބޭންކުގެ އެހީގައި ކައުންސިލަރުން ކާދު ތައްޔާރުކުރާނެގޮތް ދަސްކޮށް ދިނުމަށް ސްރީލަންކާއަށް ގެންގޮސް އެކަށީގެންވާ ތަމްރީން ވަނީ ދީފައެވެ.
އެގޮތުން ތަމްރީން ދެވިފައިވާ މިބޭފުޅުންގެ ޕޫލްގެތެރެއިން މިފަހަރުގެ ކާދު ތައްޔާރުކުރުމުގެ ސިލްސިލާ ތަމްރީން ޕްރޮގްރާމް ނ. އަތޮޅު ފޮނަދޫ، ހޮޅަދޫ، މަގޫދޫ އަދި މިލަދޫ ގައި ކުރިއަށް ގެންދަވާނީ އއ.އުކުޅަސްގެ ކައުންސިލަރ ޢަލީ ޒަމީރެވެ.
ނ. އަތޮޅު ފޮނަދޫ، ހޮޅަދޫ، މަގޫދޫ އަދި މިލަދޫ ގައި ކާދު ތައްޔާރުކުރުމުގެ މި ތަމްރީން ޕްރޮގްރާމް މި މަހުގެ 12 އިން 24 އަށް ކުރިއަށް ދާނެއެވެ.
މި ޕްރޮގްރާމްގައި ބޮޑަށް ބާރުއަޅަނީ ޢާއްމު ދިރިއުޅުމުގެ ޢާދަތަކުގައިR 3 ޕްރެކްޓިސްކުރުމަށާއި އަދި ހެޔޮގޮތުގައި ކުނި މެނޭޖުކުރުމުގެ ނިޒާމުގައި ކުނި ސެގްރިގޭޓްކުރުމުގެ ނުވަތަ ވަކިކުރުމުގެ މުހިއްމުކަމުގެ މައްޗަށެވެ.
