އއ. ރަސްދޫ ގޮނޑުދޮށް ޙިމާޔަތް ކުރުމުގެ މަސައްކަތް މިއަދު ރަސްމީގޮތުން އިފްތިތާހު ކޮށްފިއެވެ. މި މަސައްކަތް އިފްތިތާހު ކޮށްދެއްވީ އިންޑިއާއިން ރާއްޖެއަށް ކަނޑައަޅާފައި ހުންނަވާ ސަފީރު ސަންޖޭ ސުދީރެވެ.
މި މަސައްކަތަކީ ސަރުކާރުން އެމްޓީސީސީއާ ޙަވާލުކޮށްގެން ކުރިއަށް ގެންދާ މަޝްރޫޢެކެވެ. މި މަޝްރޫޢުގެ އެއްބަސްވުމުގައި ސޮއިކޮށްފައިވަނީ 2019 ވަނަ އަހަރު ސެޕްޓެމްބަރ 5 ގައެވެ. 13.3 މިލިއަން ރުފިޔާ ޚަރަދުކޮށްގެން ހިންގާ މި މަޝްރޫޢު ނިންމުމަށް ދީފައިވަނީ 135 ދުވަހެވެ. މިއީ ޑިޒައިން އެންޑް ބިލްޑް އުސޫލުން ކުރިއަށް ގެންދާ މަޝްރޫޢެކެވެ. މި މަޝްރޫޢަށް ޚަރަދު ކުރަނީ ދިވެހި ދައުލަތުގެ ބަޖެޓުންނާއި އިންޑީއާ ސަރުކާރުންނެވެ. އެއީ އިންޑިއާއިން ހިލޭ ކޮށްދޭ ކަމެކެވެ.
މިމަޝްރޫޢުގެ ދަށުން ރަސްދޫގައި 25 މީޓަރުގެ 7 ގްރޯއިން ޖަހާނެ ކަމަށް ޕްލޭނިން މިނިސްޓްރީން ވިދާޅުވެފައިވެއެވެ.
