އޭޝިއާ ޕެސިފިކް ސަރަޙައްދުގެ ރީޖަނަލް އެސޯސިއޭޝަން 2 ގެ 16 ވަނަ ބައްދަލުވުމުގައި ވާހަކަފުޅުދައްކަވަމުން ދިވެހިރާއްޖެ އާއި ކުދި ޖަޒީރާ ޤައުމުތަކުގެ މައްސަލަތަކާއި ބެހޭގޮތުން މިނިސްޓްރީ އޮފް އެންވައިރަންމަނންޓް އެންޑް އެނަރޖީގެ ސްޓޭޓް މިނިސްޓަރ ޢަބްދުﷲ މަޖީދު ވާހަކަފުދައްކަވައިފިއެވެ.
މި ބައްދަލުވުން ފެށުނީ މިދިޔަ އާދީއްތަ ދުވަހުއެވެ. އަބޫދާބީދައި ކުރިއަށް ދާ މި ބައްދަލުވުމުގައި ދުނިޔޭގެ މޫސުމާބެހޭ ޖަމްޢިއްޔާގެ އަސާސީ ޕްރޮގްރާމްތަކަށް މުހިއްމު ބޮޑެތި ބަދަލުތަކެއް ގެނައުމަށް ބައެއް ފަރާތްތަކުން ވަނީ ގޮވާލާފައެވެ.
ބައްދަލުވުމުގައި ސްޓޭޓް މިނިސްޓަރ މަޖީދު ދެއްކެވި ވާހަކަފުޅުގައި މޫސުމަށް އަންނަ ބަދަލުތަކާއި ގުޅިގެން ދިވެހިރާއްޖެ އާއި ކުދި ޖަޒީރާ ގައުމުތަކަށް ލިބެމުންދާ ގެއްލުންތަކާއި ކުރިމަތިވެދާނެ މައްސަލަތަކަށް އަލިއަޅުވާލެއްވިއެވެ. އަދި ދުނިޔޭގެ މޫސުމާއިބެހޭ ޖަމްޢިއްޔާ ރިފޯރމް ކުރުމާއި ބެހޭގޮތުން ސެކްރެޓަރީ ޖެނެރަލް ޕްރޮފެސަރ ޕެޓްރީޓަލަސް ދެއްކެވި ވާހަކަފުޅާއި ގުޅިގެން ބައެއް ޚިޔާލުތައް ފާޅުކުރެއްވިއެވެ.
މި ބައްދަލުވުމުގައި 23 މެމްބަރ ޤައުމާއި 02 އޮބްޒާވަރ ޤައުމުން 100 މަންދޫބުން ބައިވެރިވެއެވެ.
