ރާއްޖޭގެ ކޮންމެ ނެޓްވޯކަކަށްވެސް ބޭނުން ވަރަކަށް ކޯލާއި އެސް.އެމް.އެސް ކުރެވޭ އަދި ރާއްޖޭގައި އެންމެ ގިނަ ޑޭޓާ ހިމެނޭ ގޮތަށް "ސްމާރޓް އެގްޒެކެޓިވް" ގެ ނަމުގައި ޚާއްޞަ 2 މޯބައިލް ޕޯސްޓްޕެއިޑް ޕެކޭޖް މިއަދު ދިރާގުން ތައާރަފުކޮށްފި އެވެ.
![Smart Executive ad[5515]](http://aafathis.mv/wp-content/uploads/2017/02/Smart-Executive-ad5515.png)
"ސްމާރޓް އެގްޒެކެޓިވް 1499" އަދި "ސްމާރޓް އެގްޒެކެޓިވް 1999" ގެ ނަމުގައި ތަޢާރަފް ކުރެވުނު މި ދެ ޕެކޭޖަކީ ވިޔަފާރި ވެރިންނާއި، އެގްޒެކެޓިވްސް އަދި ޕްރޮފެޝަނަލް މަސައްކަތް ކުރައްވާ ބޭފުޅުންނަށް ވަރަށް އެކަށީގެންވާ ޕެކޭޖްތަކެކެވެ.
ސްމާރޓް އެގްޒެކެޓިވް 1499 ގައި 30 ޖީބީ ޑޭޓާ އަދި ސްމާރޓް އެގްޒެކެޓިވް 1999 ގައި 45 ޖީބީގެ ޑޭޓާ ހިމެނޭނެއެވެ. މިއީ ރާއްޖޭގައި މިހާތަނަށް މޯބައިލް ޕެކޭޖަކަށް ކަނޑައެޅޭ އެންމެ ބޮޑު ޑޭޓާ އެލަވަންސްއެވެ. އަދި މި ދެ ޕެކޭޖުން ވެސް ޑޭޓާ އެލަވަންސް ހުސްވިޔަސް އެކްސެސް ޗާޖެއް ނޯންނާނެއެވެ.
މީގެ އިތުރުން ދެޕެކޭޖުންވެސް، ހިޔާރު ކުރާ ރާއްޖެއިން ބޭރުގެ ކޮންމެވެސް އެއްގައުމަކަށް ގުޅާ އިރު %50 ގެ ޑިސްކައުންޓް ލިބޭނެއެވެ.
