އަކުރަމް ކަމާލުއްދީނަށް އެއްވެސް ލުޔެއް ނުދެއްވާނެ ކަމަށް ތިމަރަފުށީ ދާއިރާގެ ކުރީގެ މެމްބަރު މުހައްމަދު މުސްތަފާ ވިދާޅުވެއްޖެއެވެ.
މުސްތަފާ ވިދާޅުވީ އޭނާއަތުން އަކުރަމު ކަމާލުއްދީން ފައިސާ ނެންގެވީ ރާއްޖެ ޓީވީ ވިއްކަން އެއެއްބަސް ވެގެން ކަމަށެވެ. "ރާއްޖެޓީވީ ވިއްކަން އެއްބަސްވެގެން ފައިސާ ނެގީ. ނެގި ފައިސާ އަނބުރާ ދޭން ވެސް މިހާރު ކުރަނީ އިންކާރު،" މުސްތަފާ ވިދާޅުވިއެވެ.
މުސްތަފާ ވިދާޅުވީ އަކުރަމު އެއްބަސްވީ ރާއްޖެޓީވީ މުސްތަފާއަށް ވިއްކަން ކަމަށެވެ. މިކަންކަން މިމަމަގަށް ހުރުމުން އަކުރަމު ކަމާލުއްދީނަށް އެއްވެސް ލުޔެއް ދެއްވަން ބޭނުން ނުވާކަމަށް މުސްތަފާ ވިދާޅުވިއެވެ. "އެއްވެސް ލުޔެއް ނުދޭނަން. އެއީ ވަރަށް ގޮތެއްނެތް މީހެއް،" މުސްތަފާ ވިދާޅުވިއެވެ.
މުސްތަފާ ވިދާޅުވީ އަކުރަމް ކަމާލުއްދީން ވަނީ އޭނާއަތުން މިލިއަނުން ފައިސާ ނަގާފައި ކަމަށެވެ. ފައިސާ ނެގިކަމުގެ ހެކި ދެއްކުމުގެ ގޮތުން މުސްތަފާ ވަނީ ޗެކުތަކެއްގެ ފޮޓޯ ވެސް އާއްމު ކޮށްފައެވެ.
"އަކުރަމު ކަމާލުއްދީން ފުރަތަމަ ބުނީ އޭނާއަށް މިނިސްޓަރުކަން (ސްޓޭޓު މިނިސްޓަރ) ލިބުމުން ފައިސާދޭނެ ކަމަށް. ދެން ބުނީ އިބްރާހީމް މުހައްމަދު ސާލިހު ރާއްޖެޓީވީ ގަނެފަ ތިމަންނައަށް ފައިސާއެއް ނުދިނޭ،" މުސްތަފާ ވިދާޅުވިއެވެ.
