ހުޅުމާލެ އެއްނަމްބަރު ޓާފުދަނޑުގައި ފުޓުބޯޅަ ކުޅެން ހުރި ބަނގްލަދޭޝަން މީހަކު މަރުވެއްޖެއެވެ.
ފުލުހުން ވިދާޅުވީ އެމީހާ ކުޅެން ހުއްޓައި ވެއްޓުނީ ކަމަށެވެ. ވެއްޓުމުން ބަޔަކު މީހުންގެ އަތްދަނޑި މައްޗަށް އެމީހާ ނަގައިގެން އަންނަނިކޮށް ފުލުހުންނަށް ފެނުމުން ފުލުހުންގެ ވެހިކަލެއްގައި ވަނީ ހުޅުމާލެ ހޮސްޕިޓަލަށް ގެންގޮސްފައިއެވެ. ގެންދިޔައިރު ވެސް މަރުވެފައިވާ ކަމަށް ޑޮކްޓަރުން ވިދާޅުވި ކަމަށް ފުލުހުން މައުލޫމާތު ދެއްވިއެވެ.
މިހާދިސާ ހިނގާފައިވަނީ މިރޭ 8:20 އެހައިކަންހާއިރު ކަމަށް ފުލުހުން ވިދާޅުވިއެވެ. އެކަމާ ގުޅިގެން ފުލުހުން ބަލަންޖެހޭ ކަންކަން ބަލަމުންދާ ކަމަށް ވެސް ފުލުހުން ވިދާޅުވިއެވެ.
