ކީރިތި ޤުރުއާނަކީ ސްކޫލްތަކުގައި އިޚްތިޔާރީ މާއްދާއެއްގެ ގޮތުގައި ހެދުމަށް އެއްވެސް އިރެއްގައި ވިސްނާފައިވެސް ނުވާ ކަމަށް އެޑިޔުކޭޝަން މިނިސްޓްރީން ވިދާޅުވެއްޖެއެވެ.
އެމިނިސްޓްރީ ހާމަކުރައްވާފައިވާ ނޫސްބަޔާނެއްގައި ވިދާޅުވެފައިވަނީ އޭގެ ބަދަލުގައި މިނިސްޓްރީން ވިދާޅުވެފައިވަނީ ހުރިހާދާ ދަރިވަރުންނަށް ޤުރުއާން ކިޔަވައިދެއްވުމަކީ އަމާޒެއް ކަމަށެވެ. "ކީރިތި ޤުރުއާން ހުރިހާ ދަރިވަރުންނަށްވެސް ކިޔަވައިދިނުމަކީ މި މިނިސްޓްރީގެ އަމާޒެކެވެ. އަދި ކީރިތި ގުރުއާން އިހްތިޔާރީ މާއްދާއެއްގެ ގޮތުގައި ހެދުމަކީ މި މިނިސްޓްރީން އެއްވެސް އިރެއްގައި ވިސްނާފައިވާ ކަމެއް ނޫނެވެ." މިނިސްޓްރީގެ ބަޔާނުގައި ވިދާޅުވެފައިވެއެވެ.
އެބަޔާނުގައި ވިދާޅުވެފައިވަނީ ގައުމީ އައު މަންހަޖު އެކުލަވާލައްވައި ތަންފީޒު ކުރަން ފެށުމުން ގުރޭޑު އެކަކުން ދިހައަކަށް މާއްދާއެއްގެ ގޮތުގައި ގުރުއާން ކިޔަވައިދިނުމަށް ހަމަޖައްސަވާފައިވާ ކަމަށެވެ.
އެޑިއުކޭޝަނުން ވިދާޅުވެފައިވަނީ އެތަނުން މަސައްކަތް ކުރައްވަނީ ރާއްޖޭގެ ތައުލީމީ ނިޒާމްގެ ތެރެއިން ނުކުންނަ ކޮންމެ ދަރިވަރަކީ އިސްލާމީ އަގީދާގެ މަތީގައި ފައިތިލަ ސާބިތުކޮށްގެން ތިބި ދަރިވަރުންނަށް ހެދުން ކަމަށެވެ. މާއްދާއެއްގެ ގޮތުގައި ގުރޭޑު 10 އަށް ގުރުއާން ކިޔަވައިދޭން ފެށީ މިއަހަރުއެވެ.
