ކަތުރު ފަނި މަދުކުރުމުގެ ޕްރޮގްރާމެއް ހައުސިން މިނިސްޓްރީން މިއަދު ފަށައިފިއެވެ.
މި ޕްރޮގްރާމް ފެށީ ހުޅުމާލޭގައެވެ. އެމިނިސްޓްރީން ވިދާޅުވީ މިއީ "ގެދޮރުވެރި ކުރުމުގެ ޕްރޮގްރާމް" ދަށުން ފެށި ހަރަކާތެއް ކަމަށެވެ.
ހުޅުމާލޭގައި އިމާރާތްކޮށްފައިވާ 704 ފުލެޓު ސަރަހައްދުގައި މި ޕްރޮގްރާމް ހިންގުމަށް ޓީމުތަކުން ހަރަކާތްތެރިވަމުން ގެންދާނެ ކަމަށެވެ.
މި ހަރަކާތް ފުޅާ ކުރުމުގެ ގޮތުން މިއަދު 2:00 އިން ފެށިގެން ބޮލޮކް 173 ގެ ސަރަހައްދުގައި ވެސް ޕެސްޓް ކޮންޓްރޯލް ޓީމުތައް ހަރަކާތްތެރިވަމުން ގެންދާނެ ކަމަށެވެ.
