ދ. ކުޑަހުވަދޫގައި މޫދަށް އެރިއުޅެނިކޮށް ގެނބުނު މީހަކު މަރުވެއްޖެއެވެ. މަރުވި މީހަކީ އެރަށު ހީނާމާގޭ، ޢުމުރުން 55 އަހަރުގެ ޙުސައިން ރަޝީދެވެ.
ކުޑަހުވަދޫ މީހަކު ކިޔައި ދިންގޮތުގައި އެމީހާ މޫދުން ނެގި އިރުވެސް އެއްވެސް ޙަރަކާތެއް ނެތެވެ. އެމީހާ ހޮސްޕިޓަލަށް ގެންގޮސްފައިވަނީ ފުލުހުންގެ ވެހިކަލެއްގައި މިއަދު ހަވީރު 6 ޖަހާ ކަންހާ އިރުކަން މަންޒުދުށް އެރަށުމީހަކު ކިޔައިދިނެވެ. އެމީހާ މަރުވެފައިވާކަން ޑޮކްޓަރ ކަށަވަރުކޮށްދެއްވައިފައި ވަނީ އިރުއޮއްސި 6:45 ހާއިރު އެވެ. އެމީހާ މޫދަށް ދިޔައީ ކަސްރަތަށް ކަމަށް ވެއެވެ. އެއީ އާއްމުކޮށް ކަސްރަތަށް ދާމީހެއްކަމަށް ވެއެވެ. ކުޑަހުވަދޫގައި މޫދަށް އެރިއުޅެނިކޮށް ގެނބުނު މީހަކު މަރުވިކަން ފުލުހުން ވެސް ވަނީ ހާމަކޮށްފައެވެ.
