ހުޅުމާލޭ 108 ނަމްބަރު ފުލެޓު ކައިރީ ރޭ ހިނގި ހަމަނުޖެހުމުގައި ފުލުހުންގެ ބެލުމުގެ ދަށަށް ގެނެސްފައިވަނީ ޖުމްލަ 27 މީހުން ކަމަށް ފުލުހުން ވިދާޅުވެއްޖެއެވެ.
އޭގެ ތެރެއިން ފުލުހުންގެ ބެލުމުގެ ދަށުގައި މިހާރު ތިބީ 19 މީހުން ކަމަށް ވެސް ފުލުހުން މިއަދު މައުލޫމާތު ދެއްވިއެވެ.
ރޭ ބަންދު ކުރި 27 މީހުންގެ ތެރޭގައި ހިމެނެނީ 26 ފިރިހެނަކާއި އަންހެނެކެވެ. ބަންދުކުރި ފިރިހެނުންގެ ތެރޭގައި 18 އަހަރު ނުފުރޭ ތިން ކުދިން ހިމެނުނު ކަމަށް ވެސް ފުލުހުން ވިދާޅުވިއެވެ. އެ ކުދިން ރޭ ވަނީ އާއިލާއާ ޙަވާލުކޮށްފައެވެ.
އެ ތިން ކުދިންގެ އިތުރުން ރޭ ވަނީ 5 މީހަކު ދޫކޮށްލައިފައެވެ. ދޫކޮށްލީ ބަންދު ކުރި ހަމައެކަނި އަންހެން މީހާއި 4 ފިރިހެނެކެވެ.
ފުލުހުން ބެލުމުގެ ދަށުގައި މިހާރު ތިބި 19 މީހުން ވެސް ދޫކޮށްލުމަށް ބައެއް ފަރާތްތަކުންދަނީ ފުލުހުންނަށް ގޮވައިލަމުންނެވެ. އެމީހުން ފުލުހުގެ ބަންދުން ދޫނުކޮށްތިބި ސަބަބެއް ފުލުހުން އަދި ވިދާޅެއް ނުވެއެވެ.
