މާދަމާރޭ 10:07 އިން ފެށިގެން ޖެނުއަރީ 11 ވާ ހޮނިހިރު ވިލޭރޭގެ މެންދަމު 02:12 އާއި ދެމެދު ފުރިހަމަ ހަނދުކޭތައެއް ހިފާނެ ކަމަށް އިސްލާމިކް މިނިސްޓްރީން ވިދާޅުވެއްޖެއެވެ.
ކޭތަ އެންމެ ބޮޑަށް ހިފާފައި ހުންނާނީ 11 ޖަނަވަރީ 2020 ވާ ހޮނިހިރު ގެ 00:10 ގައި ކަމަށްވެސް އެމިނިސްޓްރީން ވިދާޅުވެފައިވެއެވެ.
އެ ހަނދުކޭތަ ރާއްޖެއަށް ފެންނާނެކަމަށް ފަލަކީ ހިސާބުތަކުން ދައްކާ ކަމަށްވެސް ވިދާޅުވެފައިވެއެވެ. އެހެން ކަމުން ރާއްޖޭގެ މީހުން ދިރިއުޅޭ ކޮންމެ ރަށެއްގައި ހުންނަ އެންމެބޮޑު މިސްކިތުގައި ހޮނިހިރު ވިލޭރޭ ކޭތަ ނަމާދުކުރުން ވެސް އޮންނާނެ ކަމަށް މިނިސްޓްރީން ވިދާޅުވިއެވެ. ކޭތަ ނަމާދުކުރުން އޮންނާނީ އެރޭ މެންދަމު 12:00 ގައެވެ.
މިކޭތަ މުޅިރާއްޖެއަށް ފެންނާނެއެވެ. މަޢުލޫނާތު ލިބިފައިވާ ގޮތުގައި ކޭތަ ހިފާ މަންޒަރު ބައެއް ޗެނަލްތަކުން ލައިވްކުރާނެއެވެ.
