އައު އަހަރާ ގުޅިގެން ހިންގި އޮޕަރޭޝަނުގައި 65 މީހުން ބަންދު ކުރި ކަމަށާއި އޭގެ ތެރެއިން 19 މީހަކު ފިޔަވައި އެންމެ މިހާރު ވަނީ ދޫކޮށްލާފައި ކަމަށް ވފުލުހުން ވިދާޅުވެއްޖެއެވެ.
މި އޮޕަރޭޝަނުގައި ބަންދުކޮށްފައިވާ 65 މީހުންގެ ތެރެއިން އައްޑޫ ސިޓީން 15 މީހަކު ބަންދު ކުރިއެވެ. އެހެންނަމަވެސް ދެ މީހަކު ފިޔަވައި ދެންތިބި އެންމެން މިހާރުވަނީ ދޫކޮށްލައިފައެވެ.
ފުވައްމުލަކު ސިޓީން ބަންދުކުރީ 23 މީހުންނެވެ. އޭގެ ތެރެއިން 5 މީހުން ފިޔަވައި ދެންތިބި މީހުން ވަނީ ދޫކޮށްލައިފައެވެ. މާލެ ސިޓީން ބަންދުކުރީ 19 މީހުންނެވެ. އޭގެ ތެރެއިން ފުލުހުންގެ ބަންދުގައި މިހާރު ތިބީ 7 މީހެކެވެ. ގދ. އަތޮޅުން ބަންދުކުރީ އެންމެ މީހެކެވެ. އެމީހާ އަދިވެސް ހުރީ ފުލުހުންގެ ބެލުމުގެ ދަށުގައެވެ. ށ. އަތޮޅުން ބަންދުކުރީ 6 މީހުންނެވެ. އޭގެ ތެރެއިން ދެމިހަކު ވަނީ ދޫކޮށްލަފައިވެއެވެ. ރ. އަތޮޅުން ބަންދުކުރި މީހާ ވެސް ވަނީ ދޫކޮށްލައިފައެވެ. އެހެން ކަމުން ފުލުހުން ބެލުމުގެ ދަށުގައި މިހާރު ތިބީ 19 މީހުންނެވެ.
