ހައިކޯޓުގެ އިސްފަނޑިޔާރު ސުޖާއު އުސްމާނަށް ހަމަލާދޭން އުޅެ މަރުގެ އިންޒާރުދިން މީހާ ބަންދުކޮށްފިއެވެ.
ފުލުހުން ވިދާޅުވީ ފަނޑިޔާރަށް އިންޒާރުދީފައިވަނީ ކ. މާފުށީގައި އިއްޔެ އުޅުއްވަނިކޮށް އެރަށުން ކަމަށެވެ. އިންޒާރުދިން މައްސަލާގައި މިއަދު ބަންދު ކޮށްފައިވަނީ ޢުމުރުން 50 އަހަރުގެ ދިވެހި ފިރިހެނެކެވެ. އޭނާ ބަންދުކޮށްފައިވަނީ މާފުށިން ކަމަށް ވެސް ފުލުހުން ވިދޅުވިއެވެ. އޭނާ ބަންދުކުރީ ކޯޓު އަމުރެއްގެ ދަށުން ކަމަށް ވެސް ފުލުހުން ވިދާޅުވިއެވެ.
ސުޖާއަށް މަރުގެ އިންޒާރު ދިން މައްސަލަ ބަލައިދިނުމަށް އެދި ހައިކޯޓުން ވަނީ ފުލުހުންނަށް ސިޓީއެއް ވެސް ފޮނުވާފައެވެ.
މާފުށިން ސުޖާއަށް މަރުގެ އިންޒާރު ދީފައި ވަނީ އޭނާ ކެފޭއެއްގެ ތެރޭގައި އިންނަވަނިކޮށް ވަރަށް ހާމަކަން ބޮޑު ގޮތަކަށެވެ.
