ރާއްޖެއަށް އެތެރެކުރުން މަނާ ބޭސްތަކާއި މަރުޖުއާނާ ފަތް ރާއްޖެއަށް އެތެރެކުރި ލަންކާ މީހަކު ބަންދުކޮށްފިއެވެ.
ފުލުހުން ވިދާޅުވީ އެ އެއްޗެހި ރާއްޖެއަށް އެތެރެކޮށްފައިވަނީ އދ. ރިސޯޓެއްގައި މަސައްކަތްކުރާ، އުމުރުން 36 އަހަރުގެ ލަންކާ މީހެއް ކަމަށެވެ. މިކަމުގެ މައުލޫމާތު ފުލުހުންނަށް ލިބުމުން އެރިސޯޓަށް ގޮސް ފުލުހުންވަނީ އެކަމުގައި ތުހުމަތު ކުރެވޭ މީހާ ބަންދުކޮށްފައެވެ. އެ ތަކެތި ފެނިފައިވަނީ އޭނާ އުޅޭ ކޮޓަރި ބަލައި ފާސްކުރި އިރު އެތަނުންނެވެ.
މީގެ އިތުރަށް ފުލުހުންވަނީ އދ. މާމިގިލީ ގެއަކުން ރޭ ފަސްލައްކަ ރުފިޔާ ވަގަށް ނެގި މައްސަލައެއް ވެސް ބަލަން ފަށައިފައެވެ. އެ ގެއިން ފައިސާ ވަގަށްނެގި ކަމުގެ މަޢުލޫމާތު ލިބިފައިވަނީ ރޭ 11:00 ގައި ކަމަށެވެ.
މި ކަމާ ގުޅިގެން މިހާތަނަށް އެއްވެސް މީހަކު ބަންދުކޮށްފައެއް ނުވެއެވެ. ފުލުހުން މިހާރު ގެންދަނީ މި ދެ މައްސަލަވެސް ބަލަމުންނެވެ.
