ރިތި ޤުރުއާނާބެހޭ ޤައުމީ މަރުކަޒުން އިންތިޒާމް ކޮށްގެން "ފުރުޞަތު 2020" ގެ ނަމުގައި ބާއްވާ އޯޕަންޑޭ ހުޅުވައިފިއެވެ. މި އޯޕަންޑޭ ހުޅުއްވައި ދެއްވީ އިސްލާމިކް އެފެއާޒުގެ މިނިސްޓަރުގެ ނާއިބު އަޙުމަދުﷲ ޖަމީލެވެ.
މިއީ ކީރިިތި ޤުރުއާނާބެހޭ ޤައުމީ މަރުކަޒުގައި ކިޔަވަމުންދާ ދަރިވަރުންނާއި ޢާންމު ފަރާތްތައްތަކަށް ހުޅުވާލި ޚާއްސަ ފުރުސަތެކެވެ. މިޙަރަކާތް ފަށްޓަވައި ދެއްވީ މިއަދު ޙަވީރު 4:00 ގައި އެމަރުކަޒުގައި ބޭއްވި ރަސްމިއްޔާތެއްގައެވެ. އޯޕަންޑޭ ހުޅުއްވައި ދެއްވުމަށް ފަހު އަޙުމަދުﷲ ޖަމީލް ވަނީ އެތަން ބައްލަވާލައްވައިފައެވެ.
މި ހަރަކާތުގެ ތެރެއިން ކީރިތި ޤުރްއާނާބެހޭ ޤައުމީ މަރުކަޒުން ހިންގަމުންދާ ކޯސްތަކާއި ޕްރޮގްރާމްތަކާއިގުޅޭ މަޢުލޫމާތު ރައްޔިތުންނަށް ފޯރުކޮށްދޭނެއެވެ. އަދި ކީރިތި ޤުރްއާނާބެހޭ ޤައުމީ މަރުކަޒުގައި ކޯސް ފުރިހަމަ ކުރަމުންދާއިރު ހުރި ފުރުސަތު ތަކާއި ބެހޭ މަޢުލޫމާތު ވެސް ލިބިގެންދާނެއެވެ. އޭގެ އިތުރުން ކޯސްތަކުގައި ކިޔަވައިދޭ މޮޑިއުލްތަކާއި މުއްދަތު ފަދަ މުހިއްމު މަޢުލޫމާތު ދިނުމާއި ކޯސްތަކާއި ޕްރޮގްރާމް ތަކުގައި ބައިވެރިވާން ބޭނުން ފަރާތްތަކަށް ފޯމް ފުރުމަށް އެހީތެރިވެދިނުންވެސް ކުރިއަށް ގެންދެވޭނެއެވެ.
އޯޕަންޑޭގެ ހަރަކާތްތައް ކުރިއަށް ގެންދާނީ މިއަދު ހަވީރު 4:00 އިން 6:00 އަށް އަދި 8:00 އިން 10:00 އަށެވެ.
