ކައުންސިލްތަކުގެ ދައުރު ފަސް އަހަރަށް ބަދަލު ކުރުމަށް ރައްޔިތުންގެ މަޖިލީހުން ޤާނޫނު އަސާސީއަށް ގެންނެވި އިސްލާޙު ރައީސް އިބްރާހީމް މުޙައްމަދު މިއަދު ތަސްދީގު ކުރައްވައިފިއެވެ.
ރައީސް އެ އިސްލާޙު ތަސްދީގު ކުރެއްވުމާއެކު ކުރިން ތިން އަހަރަށްއޮތް ދައުރު ފަސް އަހަރަށް މިވަނީ އިތުރުވެގެން ގޮސްފައެވެ.
ލާމަރުކަޒީ ޤާނޫނަށް ގެންނެވި އިސްލާހާއެކު ސިޓީކައުންސިލްތަކުގެ މޭޔަރުންނާއި ޑެޕިޔުޓީ މޭޔަރުން އިންތިޚާބުކުރަންޖެހޭނީ ރައްޔިތުންގެ ސިއްރުވޯޓަކުންނެވެ. އަދި އަތޮޅުކައުންސިލް ތަކާއި ރަށުކައުންސިލްތަކާއި އަތޮޅު ކައުންސިލް ތަކުގެ ރައީސުން ވެސް ހޮވުމަށް ހަމަޖެހިފައިވަނީ ރައްޔިތުންގެ ސިއްރުވޯޓަކުންނެވެ. ކުރިން އޮންނަގޮތުން އެމަޤާމްތަކަށް ހޮވަނީ ކައުންސިލަށް މެމްބަރެއްގެ ގޮތުގައި އިންތިޚާބުވުމަށްފަހު އެމީހުންގެ ތެރޭގައި ނެގޭ ވޯޓަކުންނެވެ.
މިހާރުވަނީ ކައުންސިލްތަކަށް މެމްބަރުން އިންތިޚާބުކުރާއިރު 33 އިންސައްތައް އަންހެނުންނަށް ރިޒާވްކޮށް ޤާނޫނު އިސްލާހު ކޮށްފައެވެ.
މި ބިލް ރައީސުލްޖުމްހޫރިއްޔާ މިއަދު ތަސްދީޤުކުރެއްވުމާ ގުޅިގެން މި ޤާނޫނު ވަނީ ދިވެހި ސަރުކާރުގެ ގެޒެޓުގައި ޝާއިޢުކުރައްވާފައެވެ.
