އުސް އިމާރާތެއްގެ ބެލްކެނީގެ ފާރުބުރިމައްޗަށް ތުއްތު ކުއްޖަކު ލައިގެން، ކުޑަ އަންހެންކުއްޖަކު އުޅޭ ވީޑިއޯއެއް އާއްމުވެއްޖެއެވެ. އެތައް ބަޔަކު ދަނީ މިކަމާ ކަންބޮޑުވުން ފާޅުކުރަމުންނެވެ. އިއްޔެގެ ވަގުތެއްގައި ކޮންމެވެސް މީހަކު، ކޮށްފައިވާ މި ވިޑީއޯ މިހާރު ވަނީ ސޯޝަލް މީޑިއާގައި ވައިރަލް ވެފައެވެ.
ވީޑިއޯއިން ދައްކުވައިދެނީ ތުއްތު ކުއްޖާ ބަލަންހުރި ކުޑަ އަންހެން ކުއްޖާ އެ އުސްއިމާރާތުގެ މަގުމައްޗަށް ހުރި އެޕާރޓްމަންޓެއްގެ ބެލްކަނީގެ ފާރުބުރި މައްޗަށް ކުއްޖާ އަރުވައިގެން އުޅޭ ތަނެވެ. ރޫފަހެޔޮކޮށްހުރި އެ ތުއްތުކުއްޖާ، ކުޑައަންހެން ކުއްޖާއަށް އުފުލާލެވެނީ ވެސް ވަރަށް އުދަނގުލުންކަން ވީޑިއޯ ބަލާލުމުން އެނގެއެވެ. ބެލްކެނީގެ ފާރުބުރިމައްޗަށް ކުއްޖާ ލައިގެން ހުރެވެފައި ގޭތެރެއިން ކޮންމެވެސް މީހަކު ގޮވާލުމުން ތުއްތު ކުއްޖާ ބެލްކަނީގައި ބަހައްޓާފައި އެތެރެއަށް ބަލާލާ ކަހަލަ ހަރާކާތްތަކެއްވެސް ކުޑަ އަންހެންކުއްޖާގެ ފާރަތުން ފެނުނެވެ. ބެލްކަންޏަށް ނުކުންނަށް ހުރި ދޮރުންނިވާ ވާ ގޮތަށް ހެދުމެއް ހިއްކަން އަޅައިފައި ހުރުމުން އެ ބެލްކެނީގައި ކުރާކަމެއް އެތޭރޭގައި ހުންނަ މީހަކަށް ސާފުކޮށް ފެންނާނެ ހެންނެއް، ވީޑިއޯ ބަލާލުމުން ހިޔެއް ނުވެއެވެ. ކުޑަ އަންހެން ކުއްޖާ ތިން ފަހަރު މަތިން، ތުއްތުކުއްޖާ ހިއްލާލައިފައި ބެލްކެނީގެ ފާރުމަތީ ބައިންދާތަން ވީޑިއޯ އިން ފެނެއެވެ. ވީޑިއޯ ބަލަމުން ދިޔައި އިރު ހީވީ ކުޑަ އަންހެން ކުއްޖާގެ އަތުން، އެތުއްތު ކުއްޖާ ދޫވެގެން މަގުމައްޗަށް ވެއްޓިދާނެ ހެންނެވެ. ބެލެވޭ ގޮތުގައި އެއީ އެ ޢިމާރާތުގެ ހަތަރެއް ނުވަތަ ތިން ވަނަ ބުރީގެ އެޕާރޓްމަންޓެއްގެ ބެލްކަންޏެކެވެ. ވީޑީއޯ އިން އިވޭ ޚަބަރުން އެއީ އިއްޔެގެ ކޮންމެވެސް ޚަބަރު ގަޑިއެއްގައި ކޮށްފައިވާ ވީޑިއޯއެއްކަން ސާފުވެއެވެ.
މިވިޑިއޯއާމެދު ކަންބޮޑުވުން ފާޅުކޮށްފައިވާ ފަރާތަކުގެ ޚިޔާލުތަކުގެތެރޭގައި އެކުދިން ބެލުމާ ހަވާލުވެފައިވާ ފަރާތުން ކުއްޖާއާމެދު އެވަނީ އިހްމާލު ވެފައި ކަމަށް ވަނީ ފާހަގަކޮށްފައެވެ. އެހެންކަމުން އެކުއްޖާ ދައުލަތުގެ ބެލުމުގެ ދަށަށް ގެންގޮސް ރައްކާތެރިކަން ފޯރުކޮށްދޭން ޖެހެއެވެ. ބައެއް ފަރާތްތަކުން ވަނީ އެމަންޒަރު ވީޑިއޯ ކުރަން ހުރި މީހާގެވެސް އިހުމާލު ވާކަމަށް ބުނެފައެވެ. ވީޑިއޯ ކުރަން ނުހުރެ އެކަމުގެ ނުރައްކާ ވިސްނައިދޭންޖެހޭކަމަށް އެފަދަ ބައެއް ފަރާތްތަކުން ބުނެއެވެ. ގޮވާލުމުން އަޑު އިވޭ ހިސާބުން ވީޑިއޯ ކޮށްފައިވާއިރު ގޮވާލައިގެން ނުވަތަ އިޝާރާތުންވެސް އެކަން ހުއްޓުވުނީސް ކަމަށް ބުނެފައިވެއެވެ.
"ރަނަގަޅު ވީޑިއޯއެއް ލިބިދާނެކަމަށް މަޑުކޮށްލައިގެން ހުރިކަހަލަ" އާރިފް ރިޒާ ކިޔާމީހާކު ބުނެފައި ވެއެވެ.
އެކުދިންގެ ބެލެނިވެރިން ކޮބައިތޯވެސް ބައެއް ފަރާތްތަކުން ސުވާލު އުފައްދައިފައި ވެއެވެ. ބައެއް ފަރާތްތަކުން ބުނެފައިވަނީ އެ ޢުމުރުގެ ކުދިންނަކީ ބެލެނިވެރިންގެ ރައްކާތެރިކަން އަބަދުމެ ބޭނުންވާނެ ކުދިން ކަމަށެވެ. ބެލެނިވެރިން އެވަނީ ވަރަށް ބޮޑަށް އިހުމާލު ވެފައިކަމަށްވެސް ބުނެފައި ވެއެވެ. ދެރަ ގޮތަކަށް ކަންތައް ވާނީ ކޮން އިރަކުކަން ނޭނގޭނެ ކަމަށާއި، ވީޑިއޯއިން އެކުދިންނާ މެދު ބެލެނިވެރިން އިހުމާލު ވެފައިވާކަން ދައްކުވައިދޭކަމަށް ވެސް ބައެއް ފަރާތްކުން ބުނެފައި ވެއެވެ.
"މިއިން ކޮންމެ ކަމެއްވެސް ބެލެނިވެރިންނަށް ކަމަކަށްވާނީ ހިތާމަވެރި ޙާދިސާއެއް ހިނގީމަ. ކުޑަކުދިން މިގޮތަށް ނިކުތުން މަނާކުރެވެންވާނެ. މީ ފަރުވާކުޑަކަމުގެ އިންތިހާ" މީހާކު ކޮށްފައިވާ ކޮމެންޓެއްގައި ވެއެވެ.
މިއީ އެކުއްޖާ ބެލުމާ ޙަވާލުވެފައިވާ ފަރާތުން ބޮޑު ތަނުން އިހްމާލުވުން ދައްކުވައިދޭ ވީޑިއޯއެވެ. ކަމާ ބެހޭ ފަރާތްތަކަށް ވެސް މިހާރު ވާނީ މި ވޯޑިއީ ފެނިފައިކަމަށް ލަފާ ކުރެވެއެވެ. އެހެން ކަމުން އެމައްސަލަ ހިނގާފައިވާ ގޮތް ބަލައި އެކަމުގައި އިހުމާލުވާ ފަރާތްތަކާ މެދު ފިޔަވަޅު އަޅަން ޖެހެއެވެ. މައްސަލަ ބަލަން ޖެހޭނީ ކަމެއް ގޯސް ގޮތަކަށް ގޮސް، ހިތާމަވެރި ހާދިސާ އެއް ހިނގުމުންނެއް ނޫނެވެ. އެކުދިނާ މެދު އިހުމާލުވި ފަރާތެއްގެ މައްސަލަ ބަލާ ފިޔަވަޅު ނޭޅޭނަމަ އަދިވެސް އެފަދަ ޙާދިސާއެއް އެބެލެނި ވެރިޔާގެ ފަރާތުން ހިނގުމުގެ ފުރުޞަތު ބޮޑެވެ.
