ދުނިޔޭގެ ރީތީގެ ރާނީ އަކަށް ޕުއަރތޯރިކޯގެ ރީތީ ގެ ރާނީ މިސް ސްޓެފަނީ ޑެލް ވާލް ހޮވިއްޖެއެވެ.
19 އަހަރުގެ ސްޓެފަނީ އަކީ ގާނޫނީ ވަކީލުކަން އަދި ކޮމިއުނިކޭޝަންސް ކިޔަވާ ދަރިވަރެކެވެ. 2016 ވަނަ އަހަރުގެ ރީތީގެ ރާނީ އަކަށް އޭނާ ހޮވުނުކަން އިއުލާން ކުރުމުން ސްޓެފަނީ ބުނީ ގައުމު ތަމްސީލުކުރަން ލިބުމަކީ ލިބޭ ފަޚުރެއް ކަމަށާއި އަދި އެއީ ނުހަނު ބޮޑު ޒިންމާއެއް ކަމަށެވެ.
މިސް ވަރލްޑް ޕޭޖަންޓުގެ ފުރަތަމަ ރަނަރ-އަޕަކަށް ހޮވުނީ ޑޮމިނިކަން ރިޕަބްލިކު ޔަރިޒާ މިގުއެލިނާ އެވެ. އަދި ދެވަނަ ރަނަރ-އަޕަކަށް ހޮވުނީ އިންޑޮނީޝިއާގެ ނަތާޝާ މެނުއެލާ އެވެ. ޓޮޕް ފަސް ފައިނަލިސްޓުނގެ ތެރޭގައި ކެންޔާގެ ރީތީގެ ރާނީ އެވްލީން އަދި ފިލިޕީންސގެ ރީތީގެ ރާނީ ކެޓްރިއިނާ އެލިސާ ގްރޭ ހިމެނުނެވެ.
ވޮޝިންގޓަން ޑީސީ ގެ ނެޝެނަލް ހާބަރ ގައި ކުރިއަށް ދިޔަ 66 ވަނަ ރީތީ ގެ މުބާރާތުގައި 100 ގައުމަކުން ވާދަކުރިއެވެ.
