އަޅުގަނޑުމެންނަށް ވަރަށް މުހިންމު ޚިދުމަތެއް ދެމުންއަންނަ މޯލްޑިވްގޭސް ޕްރައިވެޓު ލިމިޓެޑަށް ވިހި އަހަރުވީއެވެ. ޓީން އޭޖު ފަހަނައަޅައިގޮސް ޒުވާން ޢުމުރުގެ ކުރީކޮޅަށް އެޅުނީއެވެ.
ޒުވާން ޢުމުރާ ކުރިމަތިލާއިރު ހުންނަންވާނީ ފުރާފުރިހަމަވެފައިތާއެވެ. އެހެންމަވެސް ވަރަށް މުހިންމު ކަމެއް ފުރިހަމަވެފައެއް ނުވެއެވެ. އެއީ ކުންފުނި ހިންގުމަށް ވެސް ދިމާވެފައިވާ ވަރަށްބޮޑު ގޮންޖެހުމެކެވެ.
އެގޮންޖެހުމަކީ ކުންފުނީގައި ޓެކުނިކަލް މީހުން ބިނާވެފައި ނެތުމެވެ. އެއީ ވިހިއަހަރުގެ މާޒީއަށް ބަލާއިރު އެފަދަ ކުންފުންޏެއްގައި ވެގެންވާނެ ކަމެއް ކަމަށްނުވިޔަސް އެއޮތީވެފައެވެ. ކުންފުނީގެ މެނޭޖިންޑިރެކްޓަރ ޝަޒައިލް ޝިޔާމަށްވެސް އެންމެ ބޮޑު ގޮމްޖެހުމަކީއެއީއެވެ. ކުންފުނީގައި ތަމްރީންވެފައިވާ ރަނގަޅު ޓެކްނިކަލް މީހުންނެތުމެވެ.
"އެންމެބޮޑު ޗެލެންޖަކީ އަޅުގަނޑުމެންގެ ތެރޭގައި ރަނގަޅު ޓެކުނިކަލް މީހުން ބިނާވެފައި ނެތުން. ޚާއްސަކޮށް މިކަހަލަ ޕްރޮޑަކްޝަން ދާއިރާއެއްގައި ބައިވަރު މަސައްކަތް ހުންނައިރު އެންބޮޑު މައްސަލައަކީ އެންމެބޮޑު ދަތިކަމަކީ އިންޖިނިއަރިންނާއި ޕްރިޑަކްޝަން ދާއިރާގައި މީހުން ތަމްރީން ކުރެވިފައިނެތުން،" ޝަޒައިލް ވިދާޅުވިއެވެ.
އަޅުގަނޑުމެން ކެއްކުމަށް ބޭނުންވާ ގޭސް ވަގުތުން ވަގުތަށް ފޯރުކޮށްދީ އިތުރުބާރު ހޯދައިފައިވާ މިކުންފުނި ކުރިއަރައި އިތުރުހަރުފަތްތަކަކަށް ދިޔުމަކީ އަޅުގަނޑުމެންނަށް ވެސް ލިބޭނެ ކުރިއެރުމެވެ. ތަމްރީންވެފައިވާ ރަނގަޅު މީހުންތިބި ކަމަށްވާނަމަ ޚިދުމަތް މިހާރަށްވުރެވެސް ބޮޑަށް އަވަސްވެފައި ފެންވަރު ރަނގަޅުވާނެއެވެ.
ޓެކުނިކަލް މީހުން ބިނާވެފައި ނެތުމުން ކުންފުނީން މިހާރު އެބައި ފޫބައްދަނީ ކިހިނެއްހެއްޔެވެ؟ އެބައި ފޫބައްދަނީ ބޭރުން މީހުން ގެނެސްގެން ކަމަށް ޝަޒާއިލް ވިދާޅުވިއެވެ. "މީހާރުވެސް ކަމެއް ދިމާވެއްޖެއްޔާ ދެން ޖެހެނީ ބޭރުން މީހުން ގެނެސްގެން ހައްލުކުރަން. ބޭރުން މީހުން ގެނެސްގެން މީހުން ތަމްރީން ކުރުމުގެ ޕްރޮގްރާމެއް މިފަށަނީ،" އޭނާ ވިދާޅުވިއެވެ. އެމްޑީ ވިދާޅުވީ އެ ޕްރޮގްރާމުގެ ދަށުން ފުރަތަމަ ޓީމު އަންނަމަސްތެރޭގައި އަންނާނެއެވެ. "އަޅުގަނޑުމެން ބައެއްކުދިން ބޭރަށް ފޮނުވައިގެންވެސް ތަމްރީން ކުރަންމިހާރު. އޭގެ އިތުރުން މިއަހަރުތެރޭގައި ނޫނިއްޔާ އަންނައަހަރަށް ޚާއްސަކޮށްގެން ސީދާ ރާއްޖެއިން ބޭރުން ޓެކުނިކަލް މީހުން ތަމްރީން ކުރަން އަޅުގަނޑުމެން ސްކޮލަޝިޕް ހުޅުވާލާނަން އިންޓަރނަލީވެސް، އަދި އެތެރެއިން ނުލިބިއްޖެއްޔާ ޕަބްލިކުން ނަމަވެސް ބަޔަކު ހޯދައިފައި އަޅުގަނޑުމެން ފޮނުވާނަން ތަމްރީން ކުރަން ރާއްޖެއިން ބޭރަށް. ކިޔަވައި ނިމިގެން އައިސް މޯލްޑިވް ގޭސްގައި މަސައްކަތްކުރާ ގޮތަށް،" އެމްޑީ ވިދާޅުވިއެވެ.
މިއީކުންފުންޏަށާއި ކަސްޓަމަރުންނަށް ވެސް އެންމެ ފައިދާވާނެ ގޮތެވެ. ކުންފުނީގެ ކުރިމަގަށް އެންމެފަހިވާނެ ގޮތެވެ.
