އޮކްޓޯބަރު 7 ވަނަދުވަހުގެރޭ ހުޅުމާލޭގައި ހިނގި އެކްސިޑެންޓަކަށްފަހު ފިލަން އުޅުނު ބިދޭސީއަކު ހިފަހައްޓައިފި ކަމަށް ފުލުހުން ވިދާޅުވެއްޖެއެވެ.
އޭނާ ފިލަން އުޅުނު ސަބަބެއް ކަމަށްވަނީ އޭނާއަކީ ޤަވާޢިދާ ޚިލާފަށް ރާއްޖޭގައި އުޅެމުންދާ މީހަކަށްވުމެވެ. ފުލުހުން ވިދާޅުވީ އޭނާގެ އަތުގައި ލައިސަންސް ނެތުމުގެ އިތުރަށް އޭނާ ރާއްޖޭގައި އުޅެމުން ގެންދަނީ ޤަވާޢިދާ ޚިލާފަށެވެ. އޭނާއަކީ 27 އަހަރުގެ މީހެކެވެ.
މި އެކްސިޑެންޓު ހިނގާފައިވަނީ ހުޅުމާލޭ ހަނދުވަރީ ހިންގުން އެއް ނަމްބަރ ގޯޅީގައި ޕާކުކޮށްފައި އޮތް ޕިކަޕެއް ދުއްވާލި ވަގުތު ޕާކިން ޒޯނުގައިހުރި ދެ ބައިސިކަލެއްގައި ޖެހިފައި ވެހިކަލް ކޮންޓްރޯލް ނުވެގޮސް މަގުގެ އަނެއްފަރާތު ޕޭވްމަންޓްމަތީން ގޮސް ގަހެއްގައި ޖެހިގެންނެވެ.
"އެކްސިޑެންޓްވާން މެދުވެރިވި ސަބަބަކީ ޑްރައިވަރަށް ސްޕީޑު ޕެޑަލްއަށް ފިތިގެން ގޮސް ކޮންޓްރޯލް ނުވެގެން ގޮސްކަމަށް މިހާތަނަށް ބެލިފައިވަނީ" ފުލުހުން ވިދާޅުވިއެވެ.
މި އެކްސިޑެންޓުގައި ޕާކިން ޒޯނުގައިހުރި 2 ސައިކަލެއްގައި ވޭންޖެހުމުން ވެއްޓި އެކިވަރުގެ ގެއްލުންވެފައިވެއެވެ. އަދި ޕޭވްމަންޓު މަތީގައިހުރި ތިން ބައިސްކަލެއްވަނީ ވޭނުގެ ދަށުވެ އެކިވަރުގެ ގެއްލުން ވެފައެވެ. މީގެ އިތުރަށް ޕޭވްމަންޓް ކައިރީގައިހުރި ސްޓެލްކޯ ޑިސްޓްރިބިއުޝަން ބޮކްގެ ކަވަރ ވަނީ ވަޅައިގެން ގޮސްފައެވެ. އަދި ދިރާގު ކޭބަލް ބޮކްސްގައިވެސްވޭންހެޖުމުން ގެއްލުން ލިބިފައިވެއެވެ.
ފުލުހުން ގެންދަވަނީ މިކަން ބައްލަވަމުންނެވެ.
